Ministrlik haqqında

         Ózbekistan Respublikası Prezidentiniń 2017-jıl 18-apreldegi «Úy-jay kommunal xızmet kórsetiw sistemasın basqarıwdı jánede jedellestiriw is-ilájları haqqında»ǵı 5017-sanlı Pármanı Respublikamız halqın sıpatlı úy-jay kommunal xızmeti menen qamırap alıwdı jaqsılaw, usı tarawdaǵı barlıq kárxanalardıń birgelikte islesiwiniń texnologik shınjırın engiziw, kóp kvartiralı jaylardıń saqlanıw talaplarına ámel qılıwın támiyinlew hámde menshiklestirilgen úy-jay iyeleri sherikliginiń finanslıq bekkemliligin hám jumıs sıpatın arttırıwǵa qaratılıp, usı Pármanǵa tiykar Húrmetli Prezidentimizdiń 2017-jıl 18-apreldegi «Ózbekistan Respublikası Úy-jay kommunal xızmet kórsetiw ministrligin shólkemlestiriw haqqında»ǵı PQ-2900 sanlı qararı menen Qaraqalpaqstan Respublikasında Úy-jay kommunal xızmet kórsetiw ministrligi, qala hám rayonlarda úy-jay kommunal xızmet kórsetiw bólimleri shólkemlestirildi.
 

       

          Qaraqalpaqstan Respublikası Úy-jay kommunal xızmet kórsetiw ministrliginiń tiykarǵı wazıypaları etip tómendegiler belgilendi:

 

-úy-jay kommunal xızmet kórsetiw tarawında birden-bir mámleketlik siyasatın hám tarmaqlarara muwapıqlastırıwdı júritiw;

 

-kóp kvartiları úylerdiń texnik jaǵdayınıń monitoringin alıp barıw, sonın ishinde, kóp kvartiralı úy-jay fondın kapital hám jeńil remontlaw jumısların shólkemlestiriw;

 

-menshiklestirilgen úy-jay iyeleri sheriklikleri jumısların muwapıqlastırıw;

 

-kóp kvartiralı úy-jay fondın saqlaw, olardan paydalanıw hám ulıwma múlkti saqlawǵa qaratılǵan májbúriy tólem muǵdarın anıqlaw júzesinen menshiklestirilgen úy-jay iyeleri sherikliklerine kómeklesiw,

 

-ishimlik suw hám kanalizaciya obektlerin, ıssılıq támiynatı dizimlerin ahalı punktlerdiń rawajlanıw sxemaları hám bas rejeleri menen baylanısqan halda rawajlandırıw, modernizaciya hám rekonstrukciya qılıw dástúrlerin ámelge asırılıwınıń monitoringin júritiw;

 

-ıssılıq támiynatı diziminde, sonnan qayta tiklenetuǵın energiya dereklerinen paydalanıp, energiya hám resurstı únemleytuǵın jańa texnologiya hám úskenelerdi engiziw boyınsha kompleks tádbirlerin ámelge asırıw;

 

-oraylıq qazanxanalardı, ıssılıq tarmaqların modernizaciya hám rekonstrukciya qılıw, sonday-aq xanadanlardıń ishinde óz aldına ıssılıq támiynatı dizimlerin ornatıw barısında respublika ıssılıq támiynatın rawajlandırıw tádbirlerin ámelge asırıw;

-úy-jay kommunal xızmet kórsetiw sistemasına resurs hám energiya únemleytuǵın texnologiyalar hámde úskenelerdi engiziw, sonnan, úy-jay kommunal xojalıǵı obektlerine zamanagóy esaplaw ólshew áspabların ornatıw;

 

-rawajlanǵan shet el mámleketleriniń tájiriybelerin esapqa alǵan halda úy-jay kommunal xızmet kórsetiw tarawında normativ-xuqık bazasın engiziw boyınsha usınıslar kiritiw;

 

 

-ishimlik suw, kanalizaciya, ıssılıq támiynatı boyınsha kórsetiletuǵın xızmetlerge tarif siyasatın engiziw ushın hámde úy-jay kommunal xızmet kórsetiw tarawı kárxanalarınıń ekonomikalıq turaqlılıǵın bekkemlew boyınsha usınıslar islep shıǵıw wazıypaları belgilendi.