Көп қабатлы турақ жай фондын сақлаў ҳәс олардан пайдаланыў системасын комплекс раўажландырыў

Қарақалпақстан Республикасындағы көп квартиралы үйлерди ремонтлаў бойынша алып барылып атырған жумыслар ҳаққында

 

Өзбекстан Республикасы Президентиниң 2020-жыл 10-январдағы “2020-2022 жылларда Өзбекстан Республикасының социаллық ҳәм ислеп шығарыў инфраструктурасын раўажландырыў ис-илажлар ҳаққында”ғы ПҚ-4565-санлы қарарына муўапық, Аралбойы регионын раўажландырыў дастури бойынша 2020-жылда республикамыздағы көп квартиралы уй-жай фондын оңлаў ҳәм әтирапын абаданластырыў жумысларын алып барыў мақсетинде 38 объектте (төбелерин шиферлаў, әтирапын бетонлаў, балалар майданшасы ҳәм сыртқы ҳәжетханалар қурыў ушын) жәми 21,8 млрд.сўмлық қаржылар жумсалды. Соннан, районлар кесиминде айтып өтсек.

 

Нөкис қаласында 4,7 млрд.сўм қаржылар есабынан 24 көп қабатлы үйлердиң төбелери шиферланды, 8 үйдиң тротуары бетонланды, 6 комплект балалар майданшасы қурылды. Атап айтқанда, “Елабад” МПЖ, 23-киширайоны №1/6, №1/7, №1/8, №1/9-санлы көп қабатлы үйлердиң төбелери профнастил менен шиферланды. “Дарбент” МПЖ, 22-киширайоны №ЗА-үй, “Берекет” МПЖ, 22-киширайоны №5/8, №10Б, №26, А.Досназаров №9-үйлер ҳәмде “Гулзар” МПЖ, 22-киширайоны, №13, №14, №15-үйлердиң алдына 6 комплект балалар майданшасы жаңадан қурылып, тротуары бетонланды.

 

Қоңырат районында 2,5 млрд.сўм қаржылар есабынан 16 көп қабатлы үйлердиң төбелери шиферланды, 14 көп қабатлы үйдиң тротуары бетонланды,

 

7 комплект балалар майданшасы қурылды. Атап айтқанда, “Темир-жол” МПЖ, К.Абдиров көшеси №16/26, №17, №27, №28-үйлер ҳәмде Наўайы көшеси №9/10, №11/12, №13/14-санлы көп қабатлы үйлердиң төбелери профнастил менен шиферланды.

 

Тахиатас районында 1,8 млрд.сўм қаржылар есабынан 9 көп қабатлы үйлердиң төбелери шиферланды, 4 көп қабатлы үйдиң тротуары бетонланды, 4 комплект балалар майданшасын қурыў жумыслары әмелге асырылды. Соннан, “Халклар дослығы” МПЖ, 1-киширайоны, №7, №8, №10, №12, №14, №12а, №15а, №15б, №16а-санлы көп қабатлы үйлердиң төбелери жаңадан профнастил менен қапланды. Сондай-ақ, 1-киширайоны, №9А, №11, №16А, №30-үйлердиң алдына 4 комплект балалар майданшасы жаңадан қурылып, тротуарларын бетонлаў жумыслары алып барылды.

 

Хожели районында 1,6 млрд.сўм қаржылар есабынан 17 көп қабатлы үйлердиң төбелери шиферланды, 6 көп қабатлы үйдиң тротуары бетонланды, 2 комплект балалар майданшасы ҳәмде 1 дана улыўма пайдаланыўдағы ҳәжетханалар қурылып, пайдаланыўға тапсырылды. Атап айтқанда, “Байтерек” МПЖ аймағындағы Т.Ибрагимов көшеси №13, №13А, №13Б, №15, №16, №16А, №17, №17А, №37, №47А, №47Б-санлы ҳамде Дослык көшеси №10, №12, №14, №16, №18, №20А-санлы көп қабатлы үйлердиң төбелери профнастил менен шиферланды.

 

Төрткүл районында 2,5 млрд.сўм қаржылар есабынан 7 көп қабатлы үйлердиң төбелерин шиферлаў жумыслары алып барылып, 16 көп қабатлы үйдиң тротуары бетонланды, 6 комплект балалар майданшасы ҳәмде 4 дана улыўма пайдаланыўдағы ҳәжетханалар жаңадан қурылып, пайдаланыўға тапсырылды. Соннан, “Турткул” МПЖ аймағындағы. Истиклол көшеси №1-санлы, “Аккамыш” МПЖ, Ахиллик көшеси №1, №2, №3, №4, №5 ҳәм “Янгиобод” МПЖ, Ахиллик көшеси №14-санлы көп қабатлы үйлердиң төбелери профнастил менен шиферлаў жумыслары алып барылды.

 

Өзбекстан Республикасы Министрлер Кабинетиниң 2021-жыл 1-марттағы “2021-жылғы социаллық ҳәм ислеп шығарыў инфраструктурасын раўажландырыў дәстүри параметрлерине сыпатлы ҳәм өз мүддетинде әмелге асырылыўын тәмийнлеўге қаратылған ис-илажлар ҳаққында”ғы №21-санлы баянының 4-қосымшасына муўапық, Аралбойы регионын раўажландырыў дәстүри шеңберинде 2021-жылда Қарақалпақстан Республикасындағы 120 көп квартиралы үйлердиң төбелерин реконструкциялаў жумыслары ушын 30,1 млрд.сўм қаржылар ажыратылыўы белгиленген.

 

“Көп квартиралы үйлерди ири ҳәм жеңил оңлаў ҳәмде ыссылық тәмийнаты объектлерин қурыў бойынша инжиниринг компаниясы” ҚР аймақлық филиалы тәрепинен усы объектлердиң проект-смета ҳүжжетлерин ислеўши кәрханаларды анықлаў мақсетинде арнаўлы электрон порталда dxarid.uzex.uz дағаза жәрияланып, таңлаў саўдалары нәтийжесинде проект-смета ҳүжжетлерин ислеўши кәрханалар анықланған ҳәмде объектлердиң проект-смета ҳүжжетлери ислеп шығылды.

 

 

Бүгинги күнде Өзбекстан Республикасының Министрлер Кабинетиниң 2021-жыл 5-февральдағы “Қурылыс тараўында электрон мәмлекетлик сатыўларды шөлкемлестириў ҳәм өткизиў тартиби ҳаққында”ғы №55-санлы Нызам талапларына сәйкес объектлердиң тендер саўдаларын өткизиў жумыслары әмелге асырылмақта.