Ишимлик суў ҳәм канализация системаларын комплекс раўажландырыў ҳәм модернизициялаў

Qaraqalpaqstan Respublikasında ishimlik suw támiynatı hám kanalizaciya sistemaların rawajlandırıw hám modernizaciyalaw boyınsha is-ilajlar

 

Qaraqalpaqstan Respublikası xalqın ishimlik suw támiynatını jaqsılawmaqsetinde 2018 jılda Jámi 85,4 mlrd. sumlıq 419,2 km ishimlik suw obektlerin qurıw hám rekonstrukciya qılıw jumısları rejelestirip, usı jıldıń 31 dekabr halatına obektlerde bas jallawshı shólkemleri tárepinen 85,4 mlrd. sumlıq (100%) qurılıs-montaj jumısları atqarıldı hám 419,2 km ishimlik suw obektleri paydalanıwǵa tapsırildi.

Nátiyjede Qaraqalpaqstan Respublikasında 33 dana elatlı punktlerinde jasawshı 45,1 mıń xalıq oraylasqan ishimlik suwı menen támiyinlendi hám  48 dana elatlı punktlerinde jasawshı 54,8 mıń xalıqtıń ishimlik suw támiynatı jaqsılandi. Atap aytqanda:“Aral boyı regionın rawajlandırıw” fondı qarjıları esabınan proekt bahası 29 mlrd. sumlıq 144,8 km ishimlik suw tarmaqların qurıw hám rekonstrukciya etiw jumıslarınan, 29 mlrd. sum qurılıs-montaj jumıslarıatqarıldı hám 144, 8 km ishimlik suw tarmaǵı tolıq qurıp pitkerildi. (Nátiyjede 26 ta elatlı punktlerde jasawshı 25,7 mıń xalıq oraylasqan ishimlik suwı menen támiyinlendi hám 8 dana elatlı punktlerde jasawshı 7,9 mıń xalıqtıń ishimliksuw támiynatı jaqsılandi.)

“Taza ishimlik suwı” fondı qarjıları esabınan proekt bahası 19,38 mlrd mln.sumlıq 70,4 km ishimlik suw tarmaqların qurıw hám rekonstrukciya etiw jumısları ámelge asırıw belgilengen bolıp, jıl juwmaǵı boyınsha 70,4 km ishimlik suw tarmaǵı tartıldı. (Nátiyjede 4 dana elatlı punktlerde jasawshı 9,3mıń xalıq oraylasqan ishimlik suwı menen támiyinlendi hám 8 dana elatlı punktlerde jasawshı 10,4 mıń xalıqtıń ishimlik suw támiynatı jaqsılandi.)

Sonıń menen birge Ózbekstan Respublikası Prezidenti Sh. M. Mirziёevtıń 2017jıl 15-16 dekabr kúnleri Qaraqalpaqstan Respublikasıǵa saparı dawamında berilgen tapsırmaları hám keńeytirilgen tárzde ótkerilgen jıynalıs bayanına muwapıq 2018 jılda “Aral boyı regionin rawajlandırıw” fondınıń qosımsha qarjıları esabınan proekt ma`nisi 19,9 mlrd. sumlıq 54,5 km ishimlik suw tarmaqların qurıw hám rekonstrukciya etiw jumıslarınan,19,9 mlrd. sumlıq qurılıs-montaj jumısları atqarıldı hám 54,5 km ishimlik suwı tarmaǵı tartıldı. (Nátiyjede 5 dana elatlı punktlerde jasawshı 7,2 mıń xalıq oraylasqan ishimlik suwı menen támiyinlenedi hám 7 dana elatlı punktlerde jasawshı 11,2 mıń xalıqtıń ishimlik suw támiynatı jaqsılandi.)

“Abat awıl” hám “Abat máhelle” dástúrleri sheńberinde “Abat awıl” fondı qarjıları esabınan bahası 17,05 mlrd. sumlıq 29 obektte 149,5 km ishimlik suw tarmaqların qurıw hám rekonstrukciya qılıw jumısları belgilengen bolıp,búgingi kúnde 17,05 mlrd. sumlıq qurılıs-montaj jumısları atqarıldı hám 149,5 km ishimlik suw tarmaǵı tartıldı. (Nátiyjede 4 dana elatlı punktlerde jasawshı 2,9 mıń xalıq oraylasqan ishimlik suwı menen támiyinlendi hám 25 dana elatlı punktlerde jasawshı 25,3 mıń xalıqtıń ishimlik suw támiynatı jaqsılandi.)

 

2019-jılǵa rejelestirilgen wazıypalar

Ózbekstan Respublikası Prezidentiniń 2018jıl 19 dekabrdegi “Ózbekstan Respublikasınıń 2019 jılǵa mólsherlengen Investiciya dástúrlerin ámelge asırıw ilajları haqqında”ǵı  PQ-4067-sanlı qararına muwapıq 2019 jılda Qaraqalpaqstan Respublikasında xalıqtıń ishimlik suw támiynatın jaqsılaw ushın barlıq derekler esabınanjámi 66,8 mlrd. sumlıq 70 dana obektlerde 253,7 km ishimlik suw tarmaqların qurıw hám rekonstrukciya etiw hámde 4 dana suw alıw inshaatların, 1 dana suw bólistiriw imaratın hám 5 danv suwdı dushshılangdırıw stanciyaların qurıw hám rekonstrukciya etiw jumısların ámelge asırıw joybarlawtırılǵan. Dástúrler juwmaǵı menen 34 dana elatlı punktlerde jasawshı 33,3 mıń xalıq oraylasqan ishimlik suwı menen támiyinleniwi hám 25 dana elatlı punktlerde jasawshı 21,7 mıń xalıqtıń ishimlik suw támiynatı jaqsılanadı.

Atap aytqanda:

  1. “Suw támiynatı hám kanalizaciya sistemaların rawajlandırıw” fondı qarjıları esabınan proekt bahası 34,4 mlrd. sumlıq 14 dana obektte 42,7 km ishimlik suw tarmaqların qurıw hám rekonstrukciya etiw jumısları hám 4 dana suw inshaatların rekonstrukciya etiw jumısları joybarlastırılǵan.Usı jumıslardı ámelge asırıw nátiyjesinde 4 dana elatlı punktlerde jasawshı 8,4 mıń xalıq oraylasqan ishimlik suwı menen támiyinleniwi hám 4 dana elatlı punktlerde jasawshı 6,6 mıń xalıqtıń ishimlik suw támiynatı jaqsılanıwı kútilip atır.
  2. “Aral boyı regionin rawajlandırıw” dástúri sheńberinde Mámleketlik byudjeti esabınan proekt bahası 32,38 mlrd. sumlıq 56 ta obektte 211,0 km ishimlik suw tarmaqların qurıw hám rekonstrukciya etiw jumısları hám 6 ta suw inshaatların qurıw hám rekonstrukciya etiw jumısları joybarlastırılǵan. Usı jumıslardı ámelge asırıw nátiyjesinde 30 elatlı punktlerde jasawshı 27,3 mıń xalıq oraylasqan ishimlik suwı menen támiyinleniwi hám 21 dana elatlı punktlerde jasawshı 13 6 mıń xalıqtıń ishimlik suw támiynatı jaqsılanıwı kútilip atır.

Ózbekstan Respublikası Ministrler Kabinetiniń 2019-jıl 16-yanvardaǵı “Qaraqalpaqstan Respublikasınıń Moynaq rayonın kompleks sociallıq-ekonomikalıq rawajlandırıwdıń ilajları haqqındaǵı” 37-sanlısheshimine muwapıq, 2019 -2020 jıllarda raёn xalqınń ishimlik suw támiynatınıjaqsılaw hám aqaba suwı sistemalarını qurıw boyınsha oraylasqan derek qarjıları esabınan 26400, 4 mln. sumlıq investiciyalardı ózlestiriw arqalı 25,1 km ishimlik suwı hámde 16,5 km aqaba suw tarmaqların hámde 1 dana ishimlik suwı hámde 4 dana aqaba suwı qurılısların qurıw hám rekonstrukciya kılıw jumısların ámelge asırıw belgilendi.

Sonıń menen birge, rayonda 2020 -2022 jıllarda Aziya rawajlanıw bankiniń kredit qarjıları esabınan 14,0 mln. AQSh dollar investitsiyalardı ózlestiriw esabına 62,3 km ishimlik suwı tarmaqların hámde 6 suw qurılısların qurıw hám rekonstrukciya kılıw jumısları ámelge asırıw bellendi. Usı obektlerdiń jumısqa túsiriliwi nátiyjesinde rayon xalqın oraylasqan ishimlik suwı menen támiyinleniw dárejesi 35,8 procentten 81,7 procentke jetkiziledi.