Statistik esabat

Qaraqalpaqstan Respublikasındaǵı kóp kvartiralı úylerdi remontlaw boyınsha alıp barılıp atırǵan jumıslar haqqında

Ózbekstan Respublikası Prezidentiniń 2020-jıl 10-yanvardaǵı “2020-2022 jıllarda Ózbekstan Respublikasınıń sociallıq hám islep shıǵarıw infrastrukturasın rawajlandırıw is-ilajlar haqqında”ǵı PQ-4565-sanlı qararına muwapıq, Aralboyı regionın rawajlandırıw dasturi boyınsha 2020-jılda respublikamızdaǵı kóp kvartiralı uy-jay fondın ońlaw hám átirapın abadanlastırıw jumısların alıp barıw maqsetinde 38 obektte (tóbelerin shiferlaw, átirapın betonlaw, balalar maydanshası hám sırtqı hájetxanalar qurıw ushın) jámi 21,8 mlrd.swmlıq qarjılar jumsaldı. Sonnan, rayonlar kesiminde aytıp ótsek.

 

Nókis qalasında 4,7 mlrd.swm qarjılar esabınan 24 kóp qabatlı úylerdiń tóbeleri shiferlandı, 8 úydiń trotuarı betonlandı, 6 komplekt balalar maydanshası qurıldı. Atap aytqanda, “Elabad” MPJ, 23-kishirayonı №1/6, №1/7, №1/8, №1/9-sanlı kóp qabatlı úylerdiń tóbeleri profnastil menen shiferlandı. “Darbent” MPJ, 22-kishirayonı №ZA-úy, “Bereket” MPJ, 22-kishirayonı №5/8, №10B, №26, A.Dosnazarov №9-úyler hámde “Gulzar” MPJ, 22-kishirayonı, №13, №14, №15-úylerdiń aldına 6 komplekt balalar maydanshası jańadan qurılıp, trotuarı betonlandı.

 

Qońırat rayonında 2,5 mlrd.swm qarjılar esabınan 16 kóp qabatlı úylerdiń tóbeleri shiferlandı, 14 kóp qabatlı úydiń trotuarı betonlandı,

7 komplekt balalar maydanshası qurıldı. Atap aytqanda, “Temir-jol” MPJ, K.Abdirov kóshesi №16/26, №17, №27, №28-úyler hámde Nawayı kóshesi №9/10, №11/12, №13/14-sanlı kóp qabatlı úylerdiń tóbeleri profnastil menen shiferlandı.

 

Taxiatas rayonında 1,8 mlrd.swm qarjılar esabınan 9 kóp qabatlı úylerdiń tóbeleri shiferlandı, 4 kóp qabatlı úydiń trotuarı betonlandı, 4 komplekt balalar maydanshasın qurıw jumısları ámelge asırıldı. Sonnan, “Xalklar doslıǵı” MPJ, 1-kishirayonı, №7, №8, №10, №12, №14, №12a, №15a, №15b, №16a-sanlı kóp qabatlı úylerdiń tóbeleri jańadan profnastil menen qaplandı. Sonday-aq, 1-kishirayonı, №9A, №11, №16A, №30-úylerdiń aldına 4 komplekt balalar maydanshası jańadan qurılıp, trotuarların betonlaw jumısları alıp barıldı.

 

Xojeli rayonında 1,6 mlrd.swm qarjılar esabınan 17 kóp qabatlı úylerdiń tóbeleri shiferlandı, 6 kóp qabatlı úydiń trotuarı betonlandı, 2 komplekt balalar maydanshası hámde 1 dana ulıwma paydalanıwdaǵı hájetxanalar qurılıp, paydalanıwǵa tapsırıldı. Atap aytqanda, “Bayterek” MPJ aymaǵındaǵı T.Ibragimov kóshesi №13, №13A, №13B, №15, №16, №16A, №17, №17A, №37, №47A, №47B-sanlı hamde Doslık kóshesi №10, №12, №14, №16, №18, №20A-sanlı kóp qabatlı úylerdiń tóbeleri profnastil menen shiferlandı.

 

Tórtkúl rayonında 2,5 mlrd.swm qarjılar esabınan 7 kóp qabatlı úylerdiń tóbelerin shiferlaw jumısları alıp barılıp, 16 kóp qabatlı úydiń trotuarı betonlandı, 6 komplekt balalar maydanshası hámde 4 dana ulıwma paydalanıwdaǵı hájetxanalar jańadan qurılıp, paydalanıwǵa tapsırıldı. Sonnan, “Turtkul” MPJ aymaǵındaǵı. Istiklol kóshesi №1-sanlı, “Akkamısh” MPJ, Axillik kóshesi №1, №2, №3, №4, №5 hám “Yangiobod” MPJ, Axillik kóshesi №14-sanlı kóp qabatlı úylerdiń tóbeleri profnastil menen shiferlaw jumısları alıp barıldı.

 

Ózbekstan Respublikası Ministrler Kabinetiniń 2021-jıl 1-marttaǵı “2021-jılǵı sociallıq hám islep shıǵarıw infrastrukturasın rawajlandırıw dástúri parametrlerine sıpatlı hám óz múddetinde ámelge asırılıwın támiynlewge qaratılǵan is-ilajlar haqqında”ǵı №21-sanlı bayanınıń 4-qosımshasına muwapıq, Aralboyı regionın rawajlandırıw dástúri sheńberinde 2021-jılda Qaraqalpaqstan Respublikasındaǵı 120 kóp kvartiralı úylerdiń tóbelerin rekonstrukciyalaw jumısları ushın 30,1 mlrd.swm qarjılar ajıratılıwı belgilengen.

 

“Kóp kvartiralı úylerdi iri hám jeńil ońlaw hámde ıssılıq támiynatı obektlerin qurıw boyınsha injiniring kompaniyası” QR aymaqlıq filialı tárepinen usı obektlerdiń proekt-smeta hújjetlerin islewshi kárxanalardı anıqlaw maqsetinde arnawlı elektron portalda dxarid.uzex.uz daǵaza járiyalanıp, tańlaw sawdaları nátiyjesinde proekt-smeta hújjetlerin islewshi kárxanalar anıqlanǵan hámde obektlerdiń proekt-smeta hújjetleri islep shıǵıldı.

 

 

Búgingi kúnde Ózbekstan Respublikasınıń Ministrler Kabinetiniń 2021-jıl 5-fevraldaǵı “Qurılıs tarawında elektron mámleketlik satıwlardı shólkemlestiriw hám ótkiziw tartibi haqqında”ǵı №55-sanlı Nızam talaplarına sáykes obektlerdiń tender sawdaların ótkiziw jumısları ámelge asırılmaqta.

 

Ministrlikke kelip túsken yuridikalıq hám fizikalıq shaxslardıń múrájáátleri haqqında maǵlıwmat