Ózbekistan Respublikası mámleketlik gerbi

Mámleketlik gerbi Ózbekistan Respublikasınıń 1992jıl 2 iyuldegi 616-XII-sanlı «Ózbekistan Respublikası mámleketlik gerbi haqqında»gı Nızamı menen tastıyıqlanǵan.

Ózbekistan Respublikası mámleketlik gerbi tómendegidey kóriniske iye: tawlar, dáryalar hám shep tárepi biyday masaqlarınan, oń tárepi bolsa shanaqları ashılǵan ǵawasha shaqalarınan ibarat sheńberge oralǵan gúllegen oypat boylap quyash nurların shashıp turadı. Gerbtiń joqarǵı bóliminde Respublikanıń húr ekenliginiń belgisi retinde segizmúyeshlik súwretlengen bolıp, onıń ishki bóliminde yarım ay hám judız súwretlengen.. Gerbtiń orayında baxıt hám erkinlikti súyiwshi belgi —qanatların jayǵan Qumay qusı súwretlengen.. Gerbtiń tómengi bóliminde Ózbekistan Respublikasınıń mámleketlik bayraǵın sáwlelendiriwshi sheńber lentasınıń bántinde «θzbekistan» dep jazılǵan.

Ózbekistan Respublikası mámleketlik gerbiniń reńli kórinisinde: Qumay qusı hám dáryalar — gúmis reńde; quyash,masaqlar, paxta xanaları hám «Ózbekistan» jazıwı — altın reńde; ǵawasha shaqaları hám japıraqları, tawlar hám oypat — jasıl reńde; xanalardaǵı paxta —aq reńde;lenta — θzbekistan Respublikası Mámleketlik bayraǵınıń reńlerin sáwlelendiriwshi úsh reńde;segizmúyeshlik — altın menen oyılǵan halda hawa reńde;yarım ay hám juldızlar —aq reńde súwretlengen.