Ózbekstan Respublikası Prezidentiniń ǵı 2021-jıl 10-fevraldaǵı PF–6166-sanlı Pármanınıń mazmunı hám áhmiyeti

Ózbekstan Respublikası Prezidentiniń «Nızamshılıq hújjetleriniń orınlanıwın nátiyjeli shólkemlestiriwde jergilikli atqarıwshı hákimiyat uyımları basshılarınıń jeke juwapkershiligin kúsheyttiriwge tiyisli qosımsha ilajlar haqkında» ǵı 2021-jıl 10-fevraldaǵı PF–6166-sanlı Pármanınıń mazmunı hám áhmiyeti

 

Pármannıń maqseti

 

Nızamshılıq hújjetleriniń orınlanıwın nátiyjeli shólkemlestiriw hám monitoring qılıwdıń tásirsheń sistemasın jaratıw, Prezidenttiń Oliy Majliske 2020-jıl 29-dekabrdegi Múrájatnamasında, sonday-aq, 2016-2021-jıllardaǵı tarmaq hám aymaqlıq rawajlanıw dástúrlerinde belgilengen maqsetlerge erisiwdi sózsiz támiyinlew boyınsha Ministrler Kabineti, mámleketlik basqarıw uyımları basshıları hámde barlıq dárejelerdegi hákimlerdiń jeke juwapkershiligin kusheyttiriw.

 

 Pármannıń mazmunı hám áhmiyeti

 

Mámleketlik uyımlar hám shólkemler basshıları orınlaw intizamın bekkemlewde tómendegi ústindegi wazıypalarǵa ayrıqsha itibar qaratıwı lazım:

 

nızamshılıq hújjetleri hám tapsırmalar joybarları tayarlanıwı ústinen  jeke qadaǵalawdı shólkemlestiriw;

 

nızamshılıq  hújjetleri hám tapsırmalardı orınlawshılarǵı tezlik penen jetkeriliwi, mazmunı hám áhmiyetin keń jámáátshilik ortasında túsindiriliwi ústinen jeke qadaǵalawdı támiyinlew;

 

nızamshılıq hújjetleri hám tapsırmalardıń orınlanıwın ámelde qadaǵalawdı jeke shólkemlestiriw;

 

nızamshılıq hújjetleri hám tapsırmalardıń mazmunı hám áhmiyetin túsindiriw maqsetinde ǴXQda jeke pikir-usınısların bildiriw;

 

nızamshılıq hújjetleri hám tapsırmalardıń óz waqtında, tolıq hám nátiyjeli orınlanıwın jeke negativ tallaw qılınıwın támiyinlew.

 

Ádillik ministrligine tómendegi qosımsha wazıypalar júkletildi:

 

nızamshılıq hújjetleri hám tapsırmalardıń ámelge asırılıwın támiyinlew boyınsha úyreniwler alıp barıw hám orınlardaǵı jaǵdaylardıń monitoringin júrgiziw;

 

 “Prezident qararları – turmısta hám qadaǵalawda” teması astında jámáátshilik qadaǵalawı qurallarınan keń paydalanıw;

 

nızamshılıq hújjetleri hám tapsırmalardıń ámelde orınlanıwına tosqınlıq qılıp atırǵan mashqalalar hám faktorlardı anıqlaw;

 

mámleketlik uyımları hám shólkemlerine nızamshılıq hújjetleri hám tapsırmalardıń orınlanıwı boyınsha huqıqıy-ámeliy kómeklesiw.

 

“Ijro.gov.uz” arqalı nızamshılıq hújjetleri hám tapsırmalardıń orınlanıwın qadaǵalawda:

 

Ádillik ministrligi:

 

nızamshılıq  hújjetleri hám tapsırmalardı “Ijro.gov.uz” sistemasına kiritedi hám sistema arqalı olardıń orınlanıwın qadaǵalaydı;

 

nızamshılıq hújjetleri hám tapsırmalardıń orınlanıw jaǵdayı haqkındaǵı maǵlıwmattı hár ayda Prezident Administraciyası hám Húkimetine kiritedi.

 

Ministrler Kabineti:

 

nızamshılıq hújjetleri hám tapsırmalardıń Húkimet quramındaǵı shólkemler tárepinen orınlanıwın “Ijro.gov.uz” sistemasında qadaǵalaydı;

 

“Ijro.gov.uz”da Húkimet quramındaǵı shólkemler – juwapker orınlawshılar tárepinen kiritilip, Ádillik ministrligi tárepinen tekserilgen maǵlıwmatlardıń tolıqlıǵın hám hakıyqatlıǵın tekseredi.

 

Esabat palatası:

 

“Ijro.gov.uz”da juwapker orınlawshılar tárepinen kiritilip, Ádillik ministrligi hám Húkimet tárepinen tekserilgen maǵlıwmatlardıń tolıqlıǵın hám hakıyqatlıǵın tekseredi hám olardı qadaǵalawdan sheshedi;

 

nızamshılıq hújjetleri hám tapsırmalarda belgilengen orınlaw múddetlerin uzayttırıw haqkındaǵı Ádillik ministrligi hám Húkimet tárepinen kórip shıǵılǵan usınıslar boyınsha Prezident Administraciyasına juwmaqlardı kiritedi;

 

nızamshılıq hújjetleri hám tapsırmalardıń orınlanıw jaǵdayı boyınsha hár sherekte Prezident Administraciyasına maǵlıwmat kiritip baradı.

 

Prezident Administraciyası:

 

nızamshılıq  hújjetleri hám tapsırmalardıń orınlawın qadaǵalawshı shólkemler jumısların muwapıqlastıradı;

 

zárúrlik bolǵanda, qadaǵalawdan alınǵan nızamshılıq hújetleri hám tapsırmalardı qayta qadaǵalawǵa qoyadı;

 

nızamshılıq hújjetleri hám tapsırmalardıń múddetin uzayttırıw boyınsha Esabat palatası tárepinen berilgen juwmaqlardı kórip shıǵadı;

 

nızamshılıq xújjetleri hám tapsırmalardıń orınlanıwın shólkemlestiriw barısındaǵı jumıslardıń nátiyjeliligin asırıw, sonday-aq,  mámleketlik uyımlar hám shólkemleriniń lawazımlı shaxslarınıń orınlaw intizamın támiyinlewdegi juwapkershiligin kúsheyttiriw boyınsha  Prezidentke usınıslar kiritip baradı.

 

2021-jıl  1-aprelden barlıq respublika dárejesindegi mámleketlik uyımlar hámde walayatlıq hákimlikleriniń orınlaw intizamına juwapker bólimsheleri baslıqları  Prezident Administraciyasınıń Orınlaw intizamın támiyinlew sıńarı menen kelisilip lawazımǵa tayınlanadı hám azat etiledi.

 

2021-jıl 1-maydan orınlawdı qadaǵalaw, qadaǵalaw kartotekaların júrgiziw hám esabatlardı dúziw tek ǵana “Ijro.gov.uz” sistemasında ámelge asırıladı.