Қарақалпақстанда ҳаўадан ишимлик суўы алыў жолға қойылды

 

 

 

“Өзгидромет” тиң басламасы менен Қаракалпақстан Республикасында жайласқан Шымбай районы метеостанциясына атмосфера ҳаўасынан ишимлик суўын ислеп шығарыў “атмосфера суў генераторы” (Airaqua – 7 дана тазалаў филтринен ибарат ) аппараты тәжирийбе (сынақ ) тәрзинде иске түсирилди.

 

 Усы аппарат ишимлик суўы жетип бармаған ҳәм жеткизиў экономикалық тәрептен қымбатқа түсетуғын аймақларға масластырылған. Бул инновациялық технология тәжирийбе жолы менен жолға қойылды ҳәм оннан алынып атырған статистикалық мағлыўматлардан пайдаланған ҳалда республикамыздағы басқа метеостанцияларга орнатыў режелестирилип атыр.

 

 Атмосфера ҳаўасы ығаллықлардың үлкен резервуары екени есапқа алынса, атмосфера суў генераторын орнатыў атмосфера суўын өндириўши дүнядағы ең нәтийжели аппарат деў мүмкин. Соны атап өтиў керек, бул үскене дистилленген суўдан да тазарақ суў алыў имканиятын береди.

 

 Аппарат атмосфера ҳаўасы ызғарлығына ҳәм температураға байланыслы күнине шама менен 12 литрден 30 литрге шекем ишимлик суўы жеткизиў имканиятын береди. Көп қуўатлылық (1 квт) талап етпеслиги, ықшам, экологиялық таза, пайдаланыўда техникалық тәрептен инсанның өмирине қаўипсизлиги оның қолай тәреплеринен болып табылады.

 

 

 

Дерек: http://hydromet.uz