Өзбекстан Республикасы Үй-жай коммунал хызмет көрсетиў министри Ш.Хидоятов Қарақалпақстан Республикасында

 

2021 жыл 8 июнь күни Өзбекстан Республикасы Үй-жай коммунал хызмет көрсетиў министри Шерзод Саиджанович Хидоятов хызмет сапары менен Қарақалпақстан Республикасына келди.

 

Министр Ш.Хидоятов, Қарақалпақстан Республикасы Министрлер Кеңеси Баслығы Қ.Сариев, Қарақалпақстан Республикасы Үй-жай коммунал хызмет көрсетиў министри А.Досназаров ҳәм басқа да тийисли шөлкем басшылары менен биргеликте Қоңырат районында болып, райондағы көп квартирали турақ жайлар жағдайы менен танысты ҳәм де турақ жайларда жасаўшы халық пенен сәўбетлести.

 

 

 

 

 

 

Дәслеп районның “Азатлық” мәкан пуқаралар жыйыны аймағындағы Беруний көшесинде жайласқан, бүгинги күнде авария жағдайында болған еки қабатлы үйлерде жасаўшы халық пенен ушырасып, бул авариялық жағдайдағы үйлердиң тез арада бузылыўы, орнына жаңадан көп қабатлы турақ жайлар қурылыўы, бул жердеги халықты турақ жай менен тәмийинлеў мәселеси буйича сәўбетлесип, келешекте бул жерде қурылысы режелестирилген үйлер бойынша мағлыўмат берилди, соның менен бирге, халықтың усыныслары тыңланди.

 

 

 

 

Соң министр районның “Темиржол” МПЖ аймағындағы жаңадан қурылыўы режелестирилген көп қабатлы турақ жайлардың жайласыў орны ҳәм қурылыс жойбарлары менен танысты.

 

Усы жердиң өзинде қурылыс кәрханалары басшылары менен сәўбетлесип, қурылысы жойбарластырылып атырған үйлердиң проект-смета ҳүжжетлериның таярланыўы, қурылыстың кемшиликлерсиз алып барылыўы, соның менен бирге, ондағы инжинерлик коммуникация тармақларының монтаж жумысларын пухта орынлаў бойынша көрсетпелер берилди.

 

 

 

 

 

 

Бул жерде авария жағдайындағы үйлерде жасап киятырған хожалықларды көшириў мәселеси илгери сурилди. Сол тийкарда халықтың шәрт-шәраятын жақсылаў ҳәм турмыс пәраўанлығын асырыў нәзерде тутылыўы айрsқша атaп өтилди.

 

Қарақалпақстан Республикасы Үй-жай коммунал хызмет көрсетиў министрлиги Баспасөз хызмети