Министр Шымбайлы жаслар менен сәўбетлести

 

Усы жылы 26 май күни Өзбекстан Республикасы Үй-жай коммунал хизмет көрсетиў министри Шерзод Хидоятов Қарақалпақстан Республикасы Шымбай районы жаслары менен онлайн тәрзде ашық сәўбет өткерди.

 

 

 

 

 

Раўажланыў процесслери жасларымыз илгери сүрип атырған жойбар ҳәм ғайратларды жүзеге шығарыўда, олардың ел-журтымызға пидайы қәниге, ҳақыйқый шахс болып қәлиплесиўинде үлкен орын тутады. Атап айтқанда, үй-жай коммунал тараўының раўажланыўында да маман кадрлар бүгин суў ҳәм ҳаўадай зәрүр. Себеби тараўды реформалаўда қатар бағдарламалар, илажлар ислеп шығылғаны менен, белгиленген ўазыйпаларды әмелге асырыўшы мүнәсип қәнигелерсиз гөзленген мақсетке ерисип болмайды – деди Ш.Хидоятов.

 

 

 

  Министр тәрепинен жыйналған жаслардың таза ишимлик суў тәмийнаты, сыртқы жақтыландырғышлар ҳәм “Абат мәҳелле” бағдарламаларына тийисли сораў ҳәм усыныслары инабатқа алынып, машқалаларды сапластырыў ушын орнында тийисли көрсетпелер берилди.

 

Министрлик мәлимлеме хызмети