Жаслар менен ушырасыў болып өтеди

26-май күни Жаслар менен ушырасыў болып өтеди

 

Бәршемизге белгили, Ҳүрметли Президентимиз тәрепинен жасларды жаңаша талаплар ҳәм заманагөй қараслар тийкарында нәтийжели тәрбиялаў, талантлы жасларды қоллап қуўатлаўға үлкен итибар қаратылып, бул мәселе мәмлекет сиясатының баслы ўазыйпаларынан бирине айланған.

 

 

Буның мысалы ретинде мәмлекетлик мәкеме ҳәм шөлкемлер басшыларының жаслар менен ушырасыўларын шөлкемлестириў әмелияты енгизилген.

 

 

2021-жылдың 26-май күни Шымбай районында Өзбекстан Республикасы Үй-жай коммунал хызмет көрсетиў министриниң орынбасары менен район жасларының ашық сәўбетлесиў, жаслардың ой пикирин билиў, машқалаларын шешим табыў, сондай-ақ жасларға өзиниң мәсләҳәтлерин бериў мақсетинде ушырасыў болып өтеди.

 

 

Район жасларын ушырасыўда белсенди қатнасыўға шақырып қаламыз.

 

 

Мәнзил: Шымбай районы Дослық гүзары номерсиз жай. Ташкент мәмлекетлик Аграр университети Нөкис филиалы Академиялық лицейи имараты мәжилислер залы

Ўақты: 2021-жыл 26-май саат 11:00.

 

Тел: 90-652-42-32

 

Қарақалпақстан Республикасы Үй-жай коммунал хызмет көрсетиў министрлиги Баспасөз хызмети