Үй-жай коммунал хызмет көрсетиў министриниӊ орынбасары Қ.Турсунов Қарақалпақстан Респубилкасында  

Өзбекстан Республикасы Үй-жай коммунал хызмет көрсетиў министриниӊ орынбасары Қурбoн Ибрагимович Турсунов хызмет сапары менен Қарақалпақстан Респубилкасына  келди.

 

 

 

Қ.Турсунов 21 апрель күни Нөкис қаласында болып, қала дағы “Коммуналлық ыссылық орайы” МУК искерлиги менен жақыннан танысты,

 

“Коммуналлық ыссылық орайы” мәмлекетлик унитар кәрханасы есабында 6 қазанхана, жәми қуўатлылығы 36,1 Гкал/саат болған 15 қазанлар ҳәм узынлығы 9,1 км ыссылық тармақлары бар. Соннан Нөкис қаласы бойынша бүгинги күнде 4 қазанханадан ыссылық энергиясын алыўшы жәми 19 көп квартиралы үйлерге ҳәм де 10 социаллық тараўлар ҳәм баска объектлерге ыссылық энергиясын жеткезип береди.

 

Министр орынбасары бул жерде кәрхананың ҳәм қазанханалардыӊ бүгинги күндеги жағдайы, соның менен бирге, ыссылық тәмийнаты тармақлары жайласыўы менен танысты ҳәм тийисли көрсетпелер берди.

 

 

 

 

Соӊынан Қ.Турсунов тараў басшылары менен бирге, Тақыятас районын ыссылық тәмийнаты менен тәмийинлейтуғын “Тақиятас ыссылық тармақлары” ЖШЖда болды.

 

Мағлыўмат орнында, бүгинги күнде “Тақиятас ыссылық тармақлары” ЖШЖ балансында, жәми қуўатлылығы 0, 344 Гкал/саат болған КОГОН-200 маркалы 2 дана қазанлар ҳәм 17,7 км узынлықтағы ыссылық тармақлары бар. Жәмиет Тақыятас районындағы 1 улыўма билим бериў мектеби имаратына ҳәм “Тақыятас ЫЭС»нан ыссылық энергиясын алыўшы, жәми 64 көп квартиралы турақ жайларға, соның менен бирге, 8 басқа мәкемелердиң 11 дана имаратларына ыссылық энергиясын толық ҳәм турақлы жеткерип келмекте.

 

 

 

 

Министр орынбасары бул жерде, кәрхана искерлиги менен танысты. басшылар менен келеси жойбарлар бойынша мәслаҳәтлесип, кылынўы керек болған жумыслар бойынша аниқ тапсырмалар берди.

 

Министр орынбарары Қ.Турсуновтыӊ Қарақалпақстан Республикасына сапары даўам етпекте.

 

 

Қарақалпақстан Республикасы Үй-жай коммунал хизмет көрсетиў министрлиги Баспасөз хызмети