Қарақалпақстан Республикасы Жоқарғы Кеңесиниң Баслығы Беруний районында жаслар менен ушырасыў өткерди

 

 

Қарақалпақстан Республикасы Жоқарғы Кеңесиниң Баслығы Мурат Камалов Беруний районындағы Мәденият сарайында Елликқала, Төрткүл ҳәм Беруний районы жаслары менен ушырасыў өткерди.

 

 

 

 

Мәденият сарайының фойесинде түрли миллет ўәкиллериниң қосықлары атқарылып, мийманлар күтип алынған болса, мәденият орайындағы 28 дөгерек жумысы менен танысылды. Дәп, миллий қосықшылық, хореография, рубап, эстрада, спорттың көркем гимнастика ҳәм каратэ түрлери бойында дөгерек қатнасыўшылары өз шеберлигин көрсетти.

 

 

 

 

 

 

 

 

Жоқарғы Кеңес Баслығы тәрепинен орай китапханасына 1000 китап саўға етилди ҳәмде орай қурамындағы музей экспонатлары және берунийли художниклер Собир Қутлимуратов, Сахий Джанахмедовтың көргизбелери менен танысты. Дөретиўшилерге бүгинги жас әўладты сүўретшилик өнерине қызығыўшылықларын жәнеде арттырыў бойынша өз усынысларын берип өтти.

 

Алыс аймақларда мектеплерге қатнайтуғын оқыўшыларға 20 велосипед саўға етилди.

 

 

 

 

Жоқарғы Кеңес Баслығы Мәденият сарайының залында өткерилген жаслар менен ушырасыўы сораў-жуўапларға бай болды. Дәслеп ZOOM бағдарламасы арқалы Қытай, Беларусь ҳәм Россия университетлеринде билим алып атырған жаслар менен өз-ара пикир алмасылды. Соннан кейин 3 район жасларының мүрәжатлары тыңланды. Жоқарғы Кеңес Баслығы тәрепинен кем тәмийинленген шаңарақ перзентлерине шәртнама төлемлери ушын сертификатлар, пән олимпиадаларында жоқары нәтийжелерге ерискен жасларға ноутбуклар саўға етилди.

 

Ушырасыўдан соң жаслар ушын Қарақалпақстан көркем-өнер шеберлери атқарыўында гала концерт қойып берилди.

 

Беруний районы ҳәкимлигиниң мәлимлеме хызмети