Германия ҳәм Финландияда үйлер қандай ысытылады?

 

Дүньяның түрли жерлериндеги ыссылық тәмийнатына жантасыў ықлым, енергия дереклериниң бар екенлиги ҳәм қоршаған-орталыққа болған мунәсибетке байланыслы. Ушыған байланыслы, қиздырыў көмир ямаса биомассаны қосыўдан тартып, жер қабығының енергиясынан пайдаланыўға шекем жүдә көплеп усылларда әмелге асырылады.

 

  Қаласазлықтың раўажланыўы ыссылық системасының орайласыўын талап етип, дүньяның дерлик барлық илмий тәжрийбелери буған әмел етеди. Сондай болсада, тараўдағы инновациялар есабына орайластырылған қиздырыў системасынан басқа алтернатив вариантларға өтип атырған мәмлекетлер де бар. Бүгин әне сол қиздырыў системасының алтернатив көринислерин Германия ҳәм де Финландия тәжирийбесинде көрип шығамыз.

 

    Германия

 

Бул мәмлекетте ыссылық тәмийнаты орайластырылмаған. Яғный, үйлердеги ыссылық үлкен улыўма тармақтан келип шықпайды, бәлки ҳәр бир үй (квартира ямаса район ) тәрепинен ғәрезсиз түрде ислеп шиғарылады. Бул жантасыўдың тийкарғы абзаллығы, тутыныўды тәртипке салыў және оның дерегин таңлаў мүмкиншилиги болып табылады. Германия дағы жеке көп қабатлы үйлер қазанханалар, бөлек газ үскенелери менен ысытылады.

 

 

 

Соның менен бирге, немислер ҳәр бир хожалықта ислетилинген ыссылықтың анық белгиленген муғдарын жүргизеди: барлық батареяларда хана дағы температураны тәртипке салыўшы үскенелер бар. Ҳәр бир хожалық тәрепинен тутынылатуғын ыссылық системасы муғдары есапқа алынады. Соңғы жылларда экологиялық таза жанар май-биомасса, тахта шығындылары, қуяш панеллери ҳәм басқаларды ислетиў есабына ыссылық тәмийнатының муғдары сезилерли дәрежеде асты. Мәмлекетлик бағдарламалар бундай үскенени сатып алыў ҳәм орнатыў ғәрежетлериниң 15 % қоплайди.

 

    Финландия

 

   Суоми халқы қиздырыў усылын орайластырылған ямаса индивидуал көринисин таңлаў мүмкиншилигине ийе. Атап өтиў керек, екеўи де жүдә қымбат. Финляндияда айрықша қиздырыў усылларынан бири бул-геотермик енергия менен ислейтуғын ыссылық насослары. Оның ушын трубалар жерге жатқызылады ҳәм бул қиздырыў системасына жалғанады. Трубалар 40% ли этил спиртин айлантырады ҳәм Финландия топырағынан уйге ыссылықты жеткезип береди. Ыссылық насосын орнатыў арзан емес, бирақ бул Электр енергиясын көп тежеўге мүмкиншилик береди. Бундай қиздырыў әдетде киши жеке уй хожалықларында қолланылады.

 

 

 

 

Өзбекстан Республикасы Үй-жай коммунал хызмет көрсетиў министрлик баспасөз хызмети