Суў тәмийнаты ҳәм канализация объектлери қурылысы бойынша инжиниринг компаниясы жумысы сынға алынып көрип шығылды

 

2021-жыл 11-февраль күни Өзбекстан Республикасы Үй-жай коммунал хызмет көрсетиў министриниң биринши орынбасары,  “Өзсуўтəмийнат” АЖ басқарыў кеңеси баслығы Соҳиб Саифназаров қатнасында “Суў тәмийнаты ҳәм канализация объектлери қурылысы бойынша инжиниринг компаниясы” ДУК жумысын сын көз қараста көрип шығыў ҳәм оны жаңа басқарыў системасына өткериў мәселесинде мәжлис болып өтти.

 

 

Өзбекстан Республикасы Президентиниң 2020-жыл 25-сентябрьдеги “Ишимлик суў тәмийнаты ҳәм ақаба суў системасын жәнеде жетилистириў ҳәмде тараўдағы инвестиция жойбарлары нәтийжелилигин арттырыў ис-илажлары ҳаққында”ғы пәрманы менен “Суў тәмийнаты ҳәм канализация объектлери қурылысы бойынша инжиниринг компаниясы” ДУK ҳәм оның аймақлық басқармалары  “Өзсуўтәмийнат” АЖға бериў ўазыйпасы жүклетилген еди.

 

Жыйналыста мәнзилли бағдардамалар бойынша ишимлик суўы ҳәм канализация тармақларын қурыў ҳәм реконструкция қылыў жумысларында бир қатар кемшиликлер анықланғанлығы айтып өтилди. Қурылыс сапасын тәмийинлеўде инжиниринг компанияның итибарсызлыққа жол қойғаны сынға алынды.

 

 

 

– Ўәлаятдағы қурылысларға Ташкенттен шийки зат алып барылып атыр. Неге оларды ўәлаятқа тасыў ушын айрықша транспорт ҳәм басқа артықша ғәрежетлер қылыныўы керек? Мысалы, суў қубырлары, қудықларды ислеп шығарыўшы жергиликли исбилерменлер жоқпа? Буларды усы күнге шекем кимдур ойладыма? – деди “Өзсуўтəмийнат” АЖ басқарыўы баслығы С. Саифназаров.

 

 

Жыйналыста хызмет ўазыйпасына итибарсызлық пенен қараған “Суў тәмийнаты ҳәм канализация обиектлери қурылысы бойынша инжиниринг компаниясы” ДУК бас инженери ийелеп турған лаўазымынан азат етилди. Соның менен бирге, Қашқадәрья ҳәм Ташкент ўәлаяты аймақлық басқармалары басшылары өз жумысларында жол қойған кемшиликлери ушын лаўазымынан азат етилди. Инжиниринг компаниясы директоры ў.ў.а ҳәм бас есапшысына сөгис берилди, бир қатар басқарма басшылары қатан ескертилди.

 

 

 

Илажда ” Суў тәмийнаты ҳәм канализация обиектлери қурылысы бойынша инжиниринг компанияси” ДУКнын жаңа уставы тастыйықланғаны айтып өтилди. Оған көре, келесиде бул компания унитар кәрхана (УК) ретинде искерлигин даўам еттиреди, суў тәмийнаты ҳәм канализация қурылысы ҳәм де жойбарластырыўда сапаны тәмийинлеў бойынша жаңа система енгизиледи. УК администрациясы ҳәм аймақлық басқарма басшыларына кандидатлар “Өзсуўтəмийнат” АЖ басқарыўы баслығы тәрепинен тайынланыўы ҳәм ўазыйпасынан азат етилиўи айтып өтилди.

 

 

 

Унитар кәрхана бас инженери лаўазымына усы күнге шекем Хорезм ўәлаяты аймақлық басқармасы баслығы лаўазымында ислеп келген Хушнуд Якубов тайынланди.

 

 Дерек: uzsuv