Қарақлпақстан Республикасы Үй-жай коммунал хызмет көрсетиў министрлиги тәрепинен пресс-тур шөлкемлестирилди

Усы жылы 23-декабрь күни Қарақлпақстан Республикасы Үй-жай коммунал хызмет көрсетиў министрлиги тәрепинен “Коммуналлық ыссылық орайы” МУК ҳәмде “Тақыятас ыссылық тармақлары” ЖШЖ тәрепинен көп квартиралы турақ жайлар ҳәм социаллық тараў объектлерин ыссылық энергиясы менен тәмийинлеў бойынша әмелге асырылып атырған ис-илажлар ҳәм тараўда шешимин күтип атырған машқалалар, келешектеги жойбарлар менен танысыў кең жәмийетшиликти таныстырыў мақсетинде пресс-тур шөлкемлестирилди.

 

Пресс-турға ҒХҚ хызметкерлери, журналист ҳәм блогерлерди қатнасты.

 

Пресс-тур қатнасшылары дәслеп, Нөкис қаласында «Коммуналлык ыссылык орайы» МУК имаратында болып, бул жерде кәрхананың материал-техник базасы менен танысты.

 

Мағлыўмат орнында, Бүгинги күнде “Коммуналлық ыссылық орайы” МУК балансында 6 қазанхана, жәми қуўатлылығы 36,1 Гкал/саат болған 15 дана қазанлар ҳәм ҳәр түрли диаметрдеги узынлығы 9,1 км. ыссылық тармақлары бар. Соннан Нөкис қаласы  бойынша бүгинги күнде 4 дана қазанханадан ыссылық энергиясын алыўшы жәми 19 дана көп квартиралы турақ жайларға ҳәмде 10 дана социаллық тараў  ҳәм босқа объектлерге ыссылық энергиясын жеткизип береди.

 

 

 

 

 

 

 

 

 

Пресс-тур қатнасыўшылары усы жердиң өзинде кәрхана диспетчерлик хызмети сондай-ақ, Қарақлпақстан Республикасы Үй-жай коммунал хызмет көрсетиў министрлиги  жанындағы «Онлаў-тиклеў хызмети» МУК тәрепинен шөлкемлестирилген 1184-қысқа номерли «Тез коммунал хизмет» сервиси жумысы менен танысып, , олар тәрепинен көп квартиралы турақ жайлар ҳәм социаллық тараў  объектларин ыссылық энергиясы менен тәмийинлеў бойынша әмелге осырылып атырған жумыслар менен танысты.

 

Кейинги мәнзил Тақыятас районы болды.

Мағлыўмат орнында бүгинги күнде райондағы “Тақыятас ыссылық тармақлары” ЖШЖ есабында, жәми қуўатлылығы 0,344 Гкал/саат болған КОГОН-200 2-дона қазанлар ҳәм 17,7 км. узынлықтағы ыссылық тармақлары бар. Хусусан, Тақаятас районындағы №7-санлы улыўма билим бериў мектеби имараты ҳәм “Тақыятас ЫЭС»тен ыссылық энергиясын алыўшы, жәми 64 дана көп қаватли турақ жайлар сондай-ақ, кәрхана ҳәм шөлкемлердиң 11 дана имаратларын ыссылық энергиясы менен толық тәмийинлеп тур.

 

Пресс-тур қатнасыўшылары Тақыятас районындағы «Тақыятас ыссылық тармақлары» ЖШЖ тәрепинен ыссылық энергиясы менен тәмийинлениўши райондағы  2-санлы улыўма билим бериў мектеби ҳәмде район орайындағы 64-квартал аймағындағы  көп квартиралы турақ жайлар ҳәмде усы аймақтағы 15-санлы мектепке шекемги билимлендириў шөлкемине болып, бул объектлердиң ыссылық энергиясы менен тәмийинленгенлик дәрежеси менен танысып өзлериниң қызықтырған сораўларына жуўаплар алды.

 

 

 

 

 

Кейинги мәнзил Нөкис қаласындағы еки контурлы индивидуал қазанханаларды сатыў ҳәм оған техник хызмет көрсетиў менен шуғылланыўшы хызмет көрсетиў шаҳапшысы болды.

 

 

Бул жерде илаж қатнасыўшылары екки контурлы индивидуал қазанлардың қолайлыклары, қәўипсизлик талапларына жуўап бериў дәрежеси ҳәмде қазанларды сатып алыўда имтиязлар, тийкарынан, имтиязлы кредитлер тийкарында сатып алыў имканыятлары ҳәм талаплары менен танысты.

 

 

 

 

 

Пресс-тур қатнасыўшылары Нөкис қаласындағы 61-квартал аймағында жайласқан көп квартиралы турақ жайлар социаллық тараў объектлериниң ыссылық энергиясы менен тәмийинлеў барысы менен танысты.

 

 

 

 

 

 

 

 

Пресс-тур қатнасыўшылары күн даўамында көп квртиралы турақ жайлар ҳәмде социаллық тараў объектлерин ыссылық энергиясы менен тәмийинлеў бойынша билимлерин жәнеде байытты.

 

 

Қарақлпақстан Республикасы Үй-жай коммунал хызмет көрсетиў министрлиги мәлимлеме хызмети.