Суў есаплаў үскинесин орнатыў пайдалы(ма?)

Suv hisoblagich o‘rnatish foydali(mi?)

 

 

Айырым тутыныўшылар ишимлик суўын тариф тийкарында есап-китап қылыў пайдалырақ деп есаплайды. Және де анығырақ айтқанда, «Муғдар өлшенбесе, қәлегенше суў пайдаланып, кемирек пул төлеў мүмкин», – деген түсиникте болады. Дурысында да солайма?

 

Тариф тийкарында суў ушын төлем өндирилгенде ишимлик ушын тутынылған суў менен бирге тартып суўғарыў ҳәм басқа хожалық жумысларына сарпланған суўлардың да орташа муғдары есапқа алынады. Мысалы тариф бойынша төленгенде бир адам басына бир кунде орташа 250-300 литр суў туўры келеди. Суў өлшеў әспабы тийкарында есап-китап қылынғанда тек ғана ишимлик суў ушын тутынылған суў ушын төлем қылынады. Артықша суў сарпы есапқа алынбайды.

 

Суў өлшеў әспабы арқалы есап китап қылынғанда шама менен қанша қәрежетти тежеп қалыў мүмкинлигин есаплап шығамыз:

 

Айтайық, шаңарақта 5 адам жасайды, суў ушын тариф тийкарында (яғный жан басына) төлем ҳәр бир адам ушын орташа 3000-3500 сўмнан есапланады ҳәм бир айда 17500 сўмлық төлем келип шығады. Егер есаплағыш орнатылса, бул шаңарақ бир айда орташа 7 куб метр суў сарплаўы мүмкин, бул 2800 сўм (әмелдеги тариф бойынша аймақларға қарап 1 куб метр ишимлик суўының халыққа мөлшерленген баҳасы 225 сўмнан 1240 сўмға шекем) дегени. Демек бес адамлық шаңарақ бир жылда жәми есап пенен тариф тийкарында ( жан басына есапта) 200 000 сўм әтирапында қәрежет сарпласа, есаплаў үскинеси менен орташа 40 000 сўм төлейди. Солай етип 150-160 мың сўм қәрежет тежеп қалынады.

 

Демек суў есаплағышлар арқалы есап-китап қылыў тутыныўшылар ушын қәрежет жағынан пайдалы болыўы менен бирге, сўўдың бийкарға сарпланып ысырап болыўына да жол қоймайды. Ишимлик суў машқаласы глобал машқалалардан бири болып турған бүгинги күнде бул жүдә әҳмийетли болып табылады.

 

 

Бүгүнги күнде мәмлекетимиз суў тәмийнаты тараўнда жаңаша қараслар ҳәм нәтийжели усылларда ислеп шығылып атырған илажларда да суў есаплағышларды кең ен жайдырыўға айрықша итибар қаратылып келинбекте. Атап айтқанда, Өзбекстан Республикасы Президенти Шавкат Мирзиёев басшылығында 2020-жыл 17-июль күни кеңейтирилген түрде өткерилген видеоселектор мәжилисинде белгиленген ўазыйпалардың орынланыўын тәмийинлеў мақсетинде “O‘zsuvta’minot” АЖ қурамындағы суў тәмийнаты кәрханалары тәрепинен республикамызда 2020-жыл ақырына шекем жеке тәртиптеги суў иншаатлары, мәҳәлле ҳәм көшелер кириў орынларына кеминде 1000 дана суў есаплаў үскинелерин орнатыў бойынша реже-график тастыйықланған.

 

 

Хәзирги күнде “Suv ta’minoti” ЖШЖлерде жергиликли ислеп шығарыўшылар тәрепинен жеткизип берилген 700 ден аслам суў есаплағышларды орнатыў ислери жуўмақланбақта.

 

Заманагөй суў есаплағышларды “O‘zsuvta’minot” АЖның “Watercontrol” биллинг системасына жалғаў жумыслары даўам етпекте.

 

Дерек: uzsuv.uz

 

Қарақалпақстан Республикаси Үй-жай коммунал хызмет көрсетиў министрлигиниң социаллық тармақлардағы рәсмий бетлери: