Көп квартиралы турақ жайларды басқарыўда Ташкент қаласы тәжрийбеси енгизиледи

Усы жыл 30 сентябрь күни Үй-жай коммунал хизмет көрсетиў тараўында Ташкент қаласының Юнусобод районы тәжрийбесин Нөкис қаласында ен жайдырыў ҳәмде әмелий жәрдем көрсетиў мақсетинде, Ташкент қалалық Үй-жай коммунал хизмет көрсетиў бас басқармасының қәнигелери Қарақалпақстан Республикасының Нөкис қаласында хызмет сапарында болды.

 

 

Ташкент қалалық Үй-жай коммунал хизмет көрсетиў бас басқармасының баслығының орынбасары Мелиев Бархаёт Бахтиёрович басшылығындағы мийманлар Нөкис қаласындағы көп квартиралы турақ жайларды басқарыўда алып барылып атырған ислер менен танысты.

 

Сапардың мақсети  Өбекстан Республикасының “Көп квартиралы турақ жайларды басқарыў ҳаққында”ғы ЎРҚ-581-санлы Нызамы нормаларының орынланыўын тәмийинлеў арқалы көп квартиралы турақ жайларды басқарыўда Басқарыў шөлкемлериниң жумысын жолға қойыў,  Юнусобод районы тәжрибесинде көп квартирали турақ жай фондын оңлаўда жаңа усылларды енгизиўден ибарат.

 

 

Мийматлар Қарақалпақтан Республикасы Үй-жай коммунал хызмет көрсетиў министри А.Досназаров ҳәм министрликтиң тийисли хызметкерлери, сондай-ақ Нөкис қаласы ҳәкими П.Торешовлар менен бирге “Гулзар” МПЖ аймағындағы көп квартиралы турақ жайларды барып көрди ҳәм бул үйлерде хызмет көрсетиўши “Қурбанбай коммунал сервис” турақ жай мүлкдарлары ширкетине барып бул жердеги шәраятлар мене жақыннан танысты.

 

 

 

Нөкис қаласындағы көп квартиралы турақ жайларға хызмет көрсетиўши Басқарыў шөлкемлери менен ушырасып, тараўдағы машқалаларды шешиў, жумысын жәнеде жеделлестириў, сондай-ақ, аўыр жағдайдағы турақ жай мүлкдарлары ширкетлерин Басқарыў шөлкемлеринне бириктириде әмелге асырылыўы керек болған ислер бойынша усыныслар берилди.

 

 

 

Қарақалпақтан Республикасы Үй-жай коммунал хызмет көрсетиў министрлиги Мәлимлеме хызмети