Ыссылық тәмийнаты кәрханаларында гүз-қыс мәўсимине таярлық қай жағдайда?

Қарақалпақстан Республикасы Үй-жай коммунал хызмет көрсетиў министрлиги жанындағы Ыссылық дереги кәрханалары есабында 7 қазанхана, жәми қуўатлылығы 36,434 Гкал/саат болған хәр қыйлы 17-дана қазанлар, ҳәмде ҳәр қыйлы диаметрдеги узынлығы 26,6 км ыссылық тармақлары бар болып, бул система бүгинги күнде Нөкис қаласында 332 квартира 1328 турғын 10 дана социаллық объектлер, Тахиаташ районында 1972 дана квартира 7700 турғынлар ҳәм 15 дана социаллық объектлер ыссылық энергиясы ҳәм ыссы суў менен тәмийинлейди.

 

 

 

Ыссылық дереги кәрханалары тәрепинен Республика экономика тармақлары хәм социал тараўды 2020/2021 жыллар гүз-қыс мәўсиминде тураклы ислеўге комплекс таярлыкты тәмийинлеў максетинде бир канша жумыслар исленди. Атап айтқанда Ыссылық дереглери кәрханалары тәрепиннен 50 п/м ыссылық тармақларына киши ремонт жумыслары хәм 50 п/м изоляция жумыслары, 2 дана қазанларды жеңил онлаў, 2-дана 380 КВт қуўатлылықтағы электродвигателлерди 220 КВт қуўатлылықтағы электродвигателге алмастыў хамде казанханалардың жақтыландырыў үскинелери өзгертирилди.

 

 

 

Соның менен бирге 2020 жылы “Арал бойы аймакларын раўажландырыў ” дәстүри тийкарында 6733,1 млн сўмға «Коммуналлық ыссылық орайы» ДУКна қараслы Нөкис қаласы 66-квартал ҳәмде «Тақыятас ыссылық тармақлары» ЖШЖне қараслы Тахиаташ районы 64-квартал қазанханадарындағы жәми 8,1 км ыссылық тармақларына модернизация реконструкция жумыслары жобаластырылған. Бүгинги күнге демонтаж ислери жуўмақланып, ыссылык тармақларының монтаж жумысларынан 52,1%  орынланды.

 

Сондай-ақ, жергиликли бюджет есабынан ыссылық энергиясы хәм ыссы суў алыўшы 11 көп квартиралы турақ жайларға улыўма есаплаў әспабларын (счетчик) орнатыў ушын 368,7 млн сум қаржы ажыратылып, хәзирги күнде керекли материаллар алып келинип, монтаж жумыслары баслап жиберилди.

 

Хәзирде бул жумыслар карантин талапларына әмел қылған ҳалда қызғын даўам етпекте.

 

Бизди телеграмда гүзетип барың: @mjkork