Жәҳән банки Өзбекстанда суў тәмийнаты ҳәм канализация тараўын раўажландырыў ушын 239 млн АҚШ доллары кредит ажратады

Жәҳән банки ҳәм Швецария көмеги менен 500 000 нан артық өзбекстанлылар сапалы суў тәмийнаты ҳәм канализация хызметлеринен пайдаланыўлари мумкин болады.

 

Жойбарларды әмелге асырыў ушын 239 млн АҚШ доллары кредит ажратылады.

 

12 март күни Жәҳән банкиниң Директорлар кеңеси жыйналысында Халқара раўажланыў ассоциациясы тәрепинен Өзбекстанға суў тәмийнаты системаларын раўажландырыў ҳәм оны институционал қоллап-қуўатлаў жойбарын қаржыландырыў ушын 239 млн АҚШ долларына тенг кредит ажратыў тастыйықланды. Бул ҳаққында Жәҳән банкиниң Өзбекстандағы ўәкилханасы хабар бермекте.

 

«Бул жойбарды әмелге асырыў нәтийжесинде, Өзбекстанның үш аймағындағы 500 000 нан артық халық жәнеде сапалы суў тәмийнаты  ҳәм канализация хызметлеринен пайдалана алады», деп билдирген Хидеки Мори, Жәҳән банкиниң Өзбекстандағы ўәкилханасы баслығы.

 

Бул жойбар шеңберинде Қарақалпақстан Республикасының Нөкис, Тахиаташ ҳәм Хожейли қалаларында ақаба суў тазалаў иншаатларын модернизациялаў режелестирилген. Сирдарья  ўәлаятында ҳәм Самарқанд ўәлаятындағы Каттақорған қаласында да суў тәмийнаты ҳәм канализация тармақлары кеңейтирилип, реконструкция қылынады.