Германия тәжрийбесин Өзбекстанда енгизиў бойынша шериклик

Өзбекстан Республикаы Үй-жай коммунал хызмет көрсетиў министрлги ҳәмде “dena” – Немец енергетика агенлиги ортансында республикадағы көп квартиралы турақ жайларда энергия тежемлиликти асырыў ҳәм модернизация қылыў бойынша өз-ара бирге ислесиў жолға қойылған болып, сентябрь айында Өзбекстан Республикаы Үй-жай коммунал хызмет көрсетиў министрлгинде еки тәрептиң қәнигелери қатнасында ушырасыўлар шөлкемлестирилди.

Бул бирге ислесиўдиң даўамы спатында 22-январь күни Өзбекстан Республикаы Үй-жай коммунал хызмет көрсетиў министриниң орынбасары Н.Назиров, министрлик бөлим баслығы Иргашев, минстрлик жанындағы Көп квартиралы үй-жай фондынан пайдаланыўды қадағалаў инспекциясы бөлим баслығы Ш.Шамсуддиновлар шериклигинде “dena”- Немец енергетика агенлиги «Имаратларда энергия жемеў» департаменти баслығы орынбасары Николь Пиллен ҳәм агентлик жетекши эксперти Лина Ужшилайтите-Шультелер Нөкис қаласына келди.

 

Мийманларды Нөкис қаласы ҳәкими П.Торешев, Қарақалпақстан Республикаы Үй-жай коммунал хызмет көрсетиў министри Р.Сеитов, министр орынбасары Ж.Хабибуллаевлар күтип алды.

 

Шет елли мийманлар дәслем Нөкис қаласы ҳәкимлигинде болып, Нөкис қаласындағы көп квартиралы уйлердин техник жағдайы, уйлерди модернизациялаў бойынша әмелге асырылыўы керек болған ислер бойынша пикир алмасылды.

 

 

Соң қаладағы көп квартиралы уйлердин техник жағдайы менен орынларға шыққан ҳалда танысыў мақсетинде, Нөкис қаласының 22; 23; 26-киширайонларындағы көп квартиралы уйлерди ҳәмде Ғәрезсизлик гүзары көшесиндеги жаңадан қурылып атырған көп квартиралы уйлерди барып көрди.