Терроризмге қарсы гүресиў темасында мәжилис өткерилди

 Усы жыл 16-декабрь күни “Түйемойын-Нөкис” регионаралық суў қубырынан пайдаланыў басқармасы МУКның мәжилислер залында Терроризмге қарсы гүресиў темасында мәжилис өткерилди.

 

Мәжилиске Қарақалпақстан Республикасы Үй-жай коммунал хызмет көрсетиў министри орынбасары Ж.Хабибуллаев, Қарақалпақстан Республикасы Министрлер Кеңеси Диний ислери бойынша референти Н.Жамалов, Қарақалпақстан Республикасы Ишки ислер министрлиги ТЭҚҚБ ААИБ подполковниги М.Арғынбаев, Мәмлекетлик қәўипсизлик хызмети Қарақалпақстан Республикасы басқармасы хызметкери А.Сирожитдинов, министрлик ҳәм оның қурамындағы кәрханалар басшы хызметкерлери қатнасты.

Мәжилисти кирис сөзи менен Қарақалпақстан Республикасы Үй-жай коммунал хызмет көрсетиў министри орынбасары Ж.Хабибуллаев ашып, күн тартибиндеги мәселе бойынша мәжилис қатнасыўшыларын таныстырып өтип, сөзди Қарақалпақстан Республикасы Министрлер Кеңеси Диний ислери бойынша референти Н.Жамаловқа берди.

 

Н.Жамалов өз сөзинде, мамлекетимиз ғарезсизликке ерискенли Конституциямыз ҳәм тийисли нызамларға тийкар ҳәр бир пуқараның еркин дин таңлаўы ҳукыкының пайда болыўы, ҳәр бир пуқара өз ерки менен дин таңлаўы, бирақ ҳеш бир пуқараның басқа бир шахсларды қандайда бир динге шақырыўы мүмкин емеслиги, қандайда бир пуқараның жүрис-турыслары бузылған жағдайда бийпарўалықка жол қоймай, тәртипке шақырыў лазымлыгын айтып өтти.

Буннан кейин сөзге Қарақалпақстан Республикасы Ишки ислер министрлиги ТЭҚҚБ ААИБ подполковниги М.Арғынбаев шығып, ҳуқыққорғаў уйымлары тәрепинен терроризмге ҳәм экстремизге қарсы гүресиў бойынша кең көлемде жумыс исленип атырғанлығын, тийкарынан ҳәзирги күнде терроризм ҳәр қыйлы формада елимимизге кирип келип атырғанлығын, әсиресе интернет арқалы жаслардың өзлери билмеген ҳалда сол ағымларға кирип кетиў жағдайлары келип шығыўы мүмкинлигин айтып, пуқараларды сергекликке шақырып, нызам бузылыўшылық жағдайлары анықланған жағдайда ишки ислер уйымларына мүрәжат етиўге шақырды.

Мәжилис даўамында сөзге Мәмлекетлик қәўипсизлик хызмети Қарақалпақстан Республикасы басқармасы хызметкери А.Сирожитдинов шығып, жокарыдағы баянатшылардың баянатларын мақуллап, Өзбекстан Республикасының 2000-жыл 15-декабрь күни қабыл қылынған “Терроризмге қарсы гүресиў ҳақкында”ғы нызамы бойынша мәжилис қантнасыўшылары кең түсиниклер берип өтти ҳәм пуқараларды сергекликке шақырды.

Мәжилис соңында пикирлер алмасылып, қатнасыўшылар өзлерин қызықтырған сораўларына жуўаплар алды.