Мәмлекетлик активлерден нәтийжели басқарыў мәселелери талқыланды.

Мәмлекетлик активлерден нәтийжели басқарыў мәселелери талқыланды.Өзбекстан Республикасы Президенти Шавкат Мирзиёев 11 декабрь күни мәмлекетлик қатнасыўындағы кәрханаларды реформалаў нәтийжелилиги және бул бағдардағы әҳмийетли ўазыйпаларға арналған жыйналыс өткерди. 

 

2017-2021 жылларда Өзбекстан Республикасын раўажландырыўдың бес әҳмийетли бағдары бойынша Ҳәрекетлер стратегиясында економикада мәмлекетлик қатнасыўын басқышпа-басқыш кемейтиў мақсети де белгиленген еди. Буған муўапық, усы жыл 14 январда президентимиздиң «Мәмлекетлик активлерин басқарыў, монополияга қарсы гүресиўди тәртипке салыў системасын ҳәм капитал базарын туптен жетилистириў илажлары ҳаққында»ғы пәрманы қабылланды.

 

Өткен дерлик бир жыл даўамында кәрханалардың устав капиталыдағы мәмлекетликүлесин нәтийжели басқарыў, экономикалық жақтан төмен кәрханаларды финанслық саўалландырыў белгили жумыслар әмелге асырылды.

 

Анализлерге көре, бүгинги күнде мәмлекетте 2819 мәмлекетлик қатнасыўындағы кәрханалар бар. Олардың көпшилиги ески усылда, нәтийжесиз ислегени себепли ҳәтте дивиденд төлий алмайды.

 

Президент бул жағдайны қатаң сынға алды.

 

– Мәмлекетлик қатнасыўын ҳеш зәрүрат болмаған тараўларда да сақлап турыппыз.Мәмлекетлик кәрханаларын басқарыў, искерлиги нәтийжесин асырыў, олардың функсияларын жеке секторға бериў бойынша еле сезилерли өзгерислер болмады,-деди Шавкат Мирзиёев.

 

Сол себепли, жыйналыста 2020-жылда мәмлекетлик қатнасыўындағы кәрханаларды басқарыў бойынша жаңа ўазыйпалар белгиленди.

 

Әўеле, бундай кәрханаларды реформалаў ямаса тамамлаў, сақлаў ямаса жеке секторға бериў мәселесин үйрениў бойынша Бас министр, оның орынбасарлары ҳәм мәслаҳәтчилери басшылығығында жумысшы группалар дүзилди.

 

Атап айтқанда, информациялық технологиялары тараўындағы 140 кәрхана,аймақлардағы коммунал, қурылыс ҳәм хызмет көрсетиў субъектларине тийисли1573, геология, металлургия, финанс шөлкемлери бойынша 137, жеңил санаат,машинасазлық ҳәм електротехника тармақларындағы 49, социаллық тараўдың, туризм ҳәм фармацевтика бағдарыдағы 449, химия, нефт-газ, энергетика тараўындағы 42, аўыл хожалығы ҳәм азық-аўқат тармағындағы 330, санаат зоналарындағы 99 кәрхана бойынша бөлек жумысшы группалар дүзилип, олардың ҳәр бирине финанс министри орынбасарлары бириктирилди.

 

Жумысшы группаларға бир ай мүддетте ҳәр бир кәрхананы толық инвентаризациядан өткерип,олардың рентабеллиги, ҳәзирги қуўаты ҳәм перспективасын анализ еткен ҳалда, 2020-жылға мөлшерленген анық жоба ҳәм усыныслар ислеп шығыў тапсырылды.

 

Көплеген компаниялар финанслық есабат жүргизиў, ишки қадағалаў ҳәм аудит өткериў, басқарыўға өзбетинше ағзаларды киргизиў сыяқлы мәселелерде ақсап атырғаны көрсетип өтилди.

 

Меншиклестириў ҳәм корпоратив басқарыў бойынша қәнигелер таярлаў ҳәмде маманлығын асырыў, мәмлекетлик қатнасыўындағы кәрханалар басшыларын усыған байланыслы оқытыў зәрүрлиги белгилеп қойылды.

 

Жыйналыста талқыланған мәселелер шеңберинде зәрүр илажлар белгиленди.