25-28-ноябрь күнлери Республика исши топарының көшпели қабыллары болып өтти

Мәмлекетимиз Басшысының тапсырмаларының атқарылыўы менен жақыннан танысыў, алыс районлардағы халық пенен тиккелей ушырасыў ҳәмде орын алған машқалаларды жайында сапластырыў мақсетинде усы жылдың 25-ноябрь күни Республика исши топары Қарақалпақстан Республикасына келип, 25-28-ноябрь күнлери Нөкис қаласы  ҳәм раёнлар халқы менен көшпели қабыллар дүзилди.

Исши топар қурамында Өзбекстан Республикасы Үй-жай коммуналлық хызмет көрсетиў министри орынбасары Назиров Назиржон Таҳиржанович қатнасып,орынларға шыққан ҳалда әмелге асырылған жумыслар, әмелдеги шәрт-шәраятлар ҳәм мәселелер менен жақыннан танысты ҳәмде оларды сапластырыў бойынша әмелий жумыслар алып барды.

 

Көшпели қабыллар процесинде Турақ-жай коммуал хизмет көрсетиў тараўында пухаралардан жәми 40 мүрәжәәт қабыл етилип, булардан 21 мүрәжәәт орнында өз шешимин тапқан болса, 11та мүрәжәәт бойынша мүрәжәәт ийелерине түсиниклер берилди ҳәмде 8 мүрәжәәт қосымша үйрениў ушын ўақыт талап еткенлиги себепли қатаң қадағалаўға алынып, өз мүддетлеринде сапластырыў бойынша тийисли қәнийгелерге тийисли тапсырмалар берилди. Мүрәжәәтлердың тийкарғы бөлеги ишимлик суў тәмийнаты тараўына тийисли болып қабыл етилген мүрәжәәтлер районлар кесиминде төмендегише бөлистирилди

 

Район (қала) Мүрәжәәт саны
1 Нөкис қаласы 4
2 Беруний 1
3 Бозатаў 4
4 Қанлыкөл 5
5 Қараөзек 1
6 Кегейли 3
7 Мойнақ 2
8 Нөкис районы 1
9 Тахтакөпир 2
10 Төрткул 2
11 Хожейли 8
12 Тахиятас 2
13 Шымбай 1
14 Елликқала 4
Жәми 40