Өзбекстан Республикасы Үй-жай коммунал хызмет көрсетиў министриниң орынбасары Н.Т.Назиров Қарақалпақстанда

Қарақалпақстан Республикасында турақ-жай коммунал хызмет көрсетиў саласын раўажландырыўдың, халық ушын мүнәсип жасаў шараятларын жаратыў, аймақлық пунктлерди таза ишимлик суўы менен тәмийинлеў бойынша кең көлемли жумысларәмелге асырылып атыр.

Мәмлекетимиз Басшысының усы ҳәм басқа да тараўларды раўажландырыў бойынша тапсырмаларының орынланыўы менен жақыннан танысыў, алыс аймақлардағы халық пенен тиккелей ушырасыў ҳәмде пайда болған машқалаларды орнында сапластырыў мақсетинде усы жылдың 25-ноябрь күни Өзбекстан Республикасы Президенти мәслаҳәтшиси Т.А.Худайбергенов басшылығындағы Республика исши топары ҳәмде исши топар қурамында Өзбекстан Республикасы Үй-жай коммунал хызмет көрсетиў министриниң орынбасары Н.Т.Назиров Қарақалпақстан Республикасына келди.

 

Сапар даўамында Республика исши топары тәрепинен Кегейли районында Бозатов, Кегейли ҳәм Нөкис районлары халқы менен көшпели қабыллаў болып өтти.

Көшпели қабыл даўамында көплеген пухаралар тәрепинен ишимлик суўы,канализация, ҳәмде көп қабатлы үйлерди ремонтлаў мәселелери бойынша мүрәжәәтлер қылынып, министр орынбасары Н.Т.Назиров ҳәмде Қарақалпақстан Республикасы Үй-жай коммунал хызмет көрсетиў министри Р.А.Сеитов тәрепинен бул мүрәжәәтлердиң көпшилиги усы орынның өзинде шешимин тапқан болса, қалған мүрәжәәтлер қосымша мүддет талап еткенлиги себепли айрықша қадағалаўға алынып, тез күнлерде машқаланы унамлы шешиў бойынша тийисли басшыларға қатаң тапсырмалар берилди.

Сол күнниң өзинде, Республика исши топары Қораөзек районында болып бул жерде Тахтакөпир, Шымбай ҳәм Қораөзек районлары халықларын қыйнап киятырған мәселелер ҳәм оларды сапластырыў бойынша көшпели қабыллаў болып өтти. Көшпели қабылда көтерилген машқалалардың көпшилик бөлеги сол орынның өзинде сапластырылған болса, айырым мүрәжәәтлер қосымша мүддет талап еткенлиги себепли айрықша қадағалаўға алынып, тез кунлерде машқаланы шешиў бойынша тийисли басшыларға қатаң тапсырмалар берилди.

Атап айтқанда, Қораөзек районы «Ата мәкән» МПЖ К.Алламбергенов көшесинде жасаўшы Жамалов Мурат көшесинен өтип турған суў тармағыннан пайдаланбай атырғанлығы ҳаққындағы мүрәжәәти унамлы шешилди.

Соның менен бирге, Өзбекстан Республикасы Үй-жай коммунал хызмет көрсетиў министри орынбасары Н.Т.Назиров  Қораөзек районы «Мәденият» АПЖдағы «Нурымжер» аймақлық пунктиндеги 150 хожалықты таза ишимлик суў менен тәмийинлейтуғын тазадан қурылған суўды душшыландырыўшы насос станциясын барып көрди.

Аймақта жасаўшы пухаралардың машқалаларын үйрениў мақсетинде халық пенен тиккелей ушырасып жеке сәўбет өткизди.

Аймақ турғынларының жасаў шәраяты менен танысыў мақсетинде министр орынбасары Н.Т.Назиров пухара Қ.Исмайловтың шаңарағына келип, зағара нанҳәм бир кесе шай менен бир дастурхан үстинде мәҳелле активлери мененсәwбетлашдилар ҳәмде олардың қызықтырған сораўларыға жуўап берди

Қарақалпоғистон Республикаси Уй-жой коммунал хизмат кўрсатиш вазирлиги Ахборот хизмати