Президент Ташкент Метрополитениндеги қурылыс жумыслары менен танысты

Президент Шавкат Мирзиёев 24 октябр күни Ташкент Метрополитениниң Юнусобод жөнелисинде алып барылып атырған қурылыс жумыслары менен танысты.

«Қала халқы ҳәм мийманларына қолайлық жаратыў мақсетинде пайтахтымызда жаңа транспорт байланыслары, метроның жер асты ҳәм жер үсти бағдарлары жүзеге келип атыр. Атап айтқанда, мәмлекетимиз басшыының 2016 жыл 7 ноябрдеги қарарына муўапық, Метрополитенниң Юнусобод жөнелиси екинши басқышы жүзеге келип атыр.

Обекттиң улыўма бахасы 103, 8 миллион доллар болып, қурылыс басланғанынан берли 67, 5 миллион долларлық жумыслар орынланған. «Шахристон» бәндиргисинен дерлик 3 километр жол тартылып, еки жаңа станция қурылған. Туннелдиң оң бөлеги толық бургыланып, темир-бетон менен беккемленген. Шеп туннелди бурғылаў, сыртқы инженерлик-коммуникация системаларын көшириў де тез күнлерде жуўмақланады. «Юнусобод» ҳәм «Туркистон» метро бәндиргилеринде қурылыс-монтаж жумыслары жедел алып барылмақта», делинеди президент баспасөз хызмети хабарында.

 

 

Президент болажақ «Туркистон» бәндиргисин нәзерден кешириб, қурылыс сапасы ҳәм жолаўшылар ушын қолайлылығына бөлек итибар қаратты.

– Бул жол ҳәм бәндиргилер халқымызға хызмет етеди. Сол себепли ең кереги – сапа,-деди Даңқ Мирзиёйев.

 

Қурылысқа Германия технологиясы ҳәм қәнигелери жалб етилген. Сапа ҳәм қаўипсизлик де Германия стандартларына муўапық болады.

Мәмлекетлик басшысы булжерге өткен жылғы сапарында Метрополитен ҳәм автобус қатнаўларын оптималластырыў бойынша көрсетпелер берген еди.

Есап-китапларға көре, усы басқыштың жумысқа түсирилиўи нәтийжесинде Юнусобод раёнында қатнайтуғын автобуслар саны ҳәм аралығы бирқанша қысқарип,күнине 5,5 тонна жанар май тежеледи. Жолаўшылардың мәнзилине жетип алыўы 20 минутаға тезлеседи.

 

 

 

Дерек: kun.uz