Жол хожалығын раўажландырыў бойынша ўазыйпалар белгиленди

Өзбекстан Республикасы Президенти Шавкат Мирзиёев 2 октябрь күни жол хожалығын раўажландырыўдың ҳәм тараўға инвеститсияларды кең тартыў мәселелерине арналған жыйналыс өткерди.

Мәмлекетимизде жәми жүклердиң 98 проценти ҳәм жолаўшылардың 88 проценти автомобиль жоллы арқалы тасылады. Кейинги жылларда журтымыз экспортынде тайын өнимлер үлеси көбейип бармақта. Келесиде оны және де асырыў жойбарластырылған. Товарларды мәнзилине тез ҳәм сапалы жеткизиў ушын болса раўажланған жол инфраструктурасы керек.

Жыйналыста усы тараўды раўажландырыўдың, қурылыс проектларин турақлыфинанслық дерек менен тәмийинлеў мәселелери талқыланды.

Автомобиль жолларын қурыў ямаса ремонтлаў жумысларына халық ара шөлкемлер ҳәм жеке шериклерди актив тартыў зәрүрлиги атап өтилди. Атап айтқанда, халық ара ҳәм мәмлекетлик әҳмиетке ийе 1 мың 600 километр узынлықдағы жолларға тийисли18 дана ири проектти усындай шериклик тийкарында әмелге асырыў бойынша көрсетпелер берилди.

Ишки жолларды ремонтлаўда аймақлардың қатнасыўы сезилмуй атырғаны көрсетип өтилди. Финанс министрлигине Республика бюджетинен тек улыўма пайдаланыўдағы жолларға, ишки жолларға болса жергиликли бюджеттен қаржы ажыратыў режимсин енгизиў ўазыйпасы қойылды.

Шет ел мәмлекетлерде жол хожалығы саласында мәмлекетлик-жеке шериклик жақсы раўажланғаны айтып өтилди. Жол бойы инфраструктура обьектлерин бериў арқалы проектлерге инвесторларды тартыў мүмкинлиги талқыланды

 

Дерек: prezident.uz