Президент видеоселекторында айрым кәрханалар искерлиги сынға алынды

 

Өзбекстан Республикасы Президенти Шавкат Мирзиёев баслылығында 17 сентябр күни санаатты жедел раўажландырыўдың, жергиликлилестириў дәрежесин асырыў ҳәм көлемин кеңейтиў мәселелерине арналған видеоселектор жыйналысы болып өтди.

 

Мәмлекетимизде актив инвестиция сиясаты жүритилип атқрған, сыртқы саўда ҳәм валюта операциялары еркинлестирилгени нәтийжесинде саў бәсеки орталығы, ҳақыйқый базар экономикасы қәлиплесип атыр.

 

Жыйналыста Өзбекстан санаатын заман талаплары тийкарында раўажландырыўдың, өнимлер бәсекиге шыдамлылығын асырыў ҳәм түрин кеңейтиў мәселелери талқыланды.

«Экспортбап ҳәм импорт орнын басадыған өнимлер өндирис, жоқары қосылған қун жаратылыўына жөнелтирилген санаат сиясатын жүргизиўимиз зәрүр. Әмелдеги шийки зат ҳәм мүмкиншиликлерден нәтийжели пайдаланған ҳалда,жергиликлилестириў дәрежесин тереңлестириў ҳәм көлемин кескин кеңейтиў усысанаат сиясатының негизи болыўы керек»,- деди мәмлекетлик раҳбари.

 

 

 

 

Тармақлар ҳәм ири кәрханаларда өндиристи жергиликлилестириў ҳәмде санаат кооперациясын кеңейтиў мәселеси талқыланар екен, усы жылдың өткен дәўиринде жаңа проектлер шеңберинде бар-жоғы 1 миллиард долларлық жергиликли өним ислеп шығарылғаны қанығарсиз деп баҳаланды. Бул бағдардағы жумыслар төмен исленген «Ўзмахсусмонтажқурилиш» аксиянерлик компаниясы, «Ўзёғмойсаноат» аўқамы, «Өзбекстан миллий электр тармақлары»аксиянерлик жәмийети сыяқлы кәрханалар искерлиги сынға алынды.