Шымбайда «Илимли» суў көтерип бериўши станциясы иске түсти

Шымбай районы аймағында жәми 386км ишимлик суў тармағы ҳәм 18 орында насос станциялары болып, ҳәзирги күнде 7 мың 500 ден аслам хожалық ишимлик суўы менен тәмийинленген. Быйылғы жылы халықты ишимлик суў менен тәмийинлениўин дәрежесин жақсылаў бағдарында бир қанша унамлы  жумыслар әмелге асырылды.

 

Районда инвестициялық бағдарламалары тийкарында жәми 23,5 км ишимлик суў тармағына ҳәм еки орында суў көтерип бериўши насос станцияларына жаңадан қурыў ҳәм реконструкция жумыслары алып барылып, бул жумысларға жәми 7,3 млрд сўм қаржы ажыратылды.

 

Солар қатарында Өзбекстан  Республикасы Президентиниң 2018-жыл 30-ноябрдеги ПК-4040-санлы карары тийкарында Арал бойы аймақларын раўажландырыў қоры қаржылары есабынан Шымбай районы «Бахытлы» аўыл пуқаралар жыйыны аймағынан 200 ден аслам халықты таза ишимлик суўы менентәмийинлеў мақсетинде «Илимли» суў көтерип бериў станциясына “Нукус қыпшақ-қурылыс” ЖШЖ тәрепинен   улыўма сметалық баҳасы  917млн 872мың сўм болған рекнонструкция жумыслары алып барылып, 2019-жыл 29-август күни насос станциясының салтанатлы ашылыў салтанаты болып өтти.

 

Ашылыў салтанатына район ҳәкими П.Ещанов, “Түйемойын-Нөкис” регионаралық суў қубырынан пайдаланыў басқармасы мәмлекетлик унитар кәрханасы директоры М.Утениязов, Өзбекстан Республмкасы Президентиниң Шымбай районы халық қабыллаўханасы баслығы А.Ажимуратов, АПЖ баслығы ҳәм турғынлары, сондай-ақ тийисли тараў мәкеме, кәрхана хәм шөлкемлер басшылары қатнасты.