“Суўды биргеликте асрайық” сүрени астында акция шөлкемлестирилди

Усы жыл 30 -31 июль күнлери Қарақалпақстан Республикасы Үй-жай коммунал хизмет көрсетиў министрлиги белсендилиги менен министрлик ықтыярындағы “Түйемойын-Нөкис” регионаралық суў қубырынан пайдаланыў басқармасы мәмлекетлик унитар кәрханасы, Өзбекстан Республикасы Жаслар аўқамы ҚарақалпақстанРеспубликаслық Кеңеси, Мәжбурий орынлаў бюросы хәмде аймақлардағы мәкан пуқаралар жыйынлары менен биргеликте Республика бойлап “Суўды биргеликте асрайық” сүрени астында акция шөлкемлестирилди.

 

 

Жәми 19 группадан ибарат 300ден зыят кеўиллилер қатнасқан акцияда, 2000 ға жақын хожалықларда үгит-нәсият жумыслары алып барылды, 17 аварыяны сапластырыў бригадалары қатнасыўында 32 авариялық жағдайлар анықланып, толығы менен сапластырылды.

 

 

 

 

 

Соның менен бирге, акция шеңберинде Үй-жай коммунал хизмет көрсетиўминистрлиги Өзбекстан Республикасы Жаслар аўқамы Қарақалпақстан Республикалық Кеңеси менен биргеликте Нөкис қаласындағы “Арал” ҳәмде “Жас әўлад” жазғы балалар дем алыў орынларында жас аўладқа суўды сақлап-абайлаў бойынша үгит-нәсият жумыслары алып барылды.

 

 

 

 

 

Акцияны халық арасында кең ен жайдырыў мақсетинде жергиликли телеканал менен биргеликте илаж даўамында әмелге асырылған жумыслар кең жарытылып барылды.

Өз гезегинде Қарақалпақстан Республикасы Үй-жай коммунал хизмет көрсетиўминистрлиги халықды суўдын ҳәр тамшысын сақлап-абайлаўға, тежемкерликке шақырып қалады.

Қарақалпақстан Республикасы Үй-жай коммунал хизмет көрсетиў министрлиги баспасөз хызмети.