Хорезм ҳәм Қашқадарья ўәлайатлары ҳәкимлери қатаң ескертилди

27 июль күни Өзбекстан Бас министри Абдулла Арипов басшылығында аймақларды абаданластырыў, архитектуралық көринисин жақсылаў жумысларын әмелге асырыўда мәмлекетлик ҳәм жәмиетлик мүтәжликлери ушын жер участкаларының алып қойылыўы мүнасәбети менен турар ҳәм натурақ жайларды бузыў жумысларын шөлкемлестириўде физикалық ҳәм юридикалық шахсларға жеткизилген зыянды қаплаў бойынша жол қөйылып атырған кемшиликлер ҳәм оларды сапластырыў шеңберинде көрилип атырған илажлар бойынша видеоселектор жыйналысы болып өтти.

Видеоселектор жыйналысында Қарақалпақстан Республикасы Жоқарғи Кеңеси баслығы, ўәлаятлар ҳәм Ташкент қаласы ҳәкимлери, тийисли министрлик ҳәм шөлкемлер басшылары қатнасты.

kun.uz дерегиниң хабар бериўише, жыйналыс кескин сын руҳда өтти. Президенттиң исбилерменлердиң мал-мүлки қол қатылмаслығы және оны бузыў ҳәмде оларға зыйан жеткизиў қатаң жол койылмаўы бойынша берген тапсырмаларын бузғаны ушын Яккабоғ районы ҳәкими Шоҳмурод Донаев, район прокуроры Жамшид Халилов район ҳәкиминиң санаатты раўажландырыў, капитал қурылыс, коммуникациялар ҳәм коммунал хожалық мәселелери бойынша орынбасары Мансур Туймаевнинг ис-ҳәрекетлери кескин сынға алынды ҳәм ол ийелеп турған ўазыйпасынан азат етилди.

Мансур Туймаев өз ўазыйпасына кирмейтуғын ҳәрекетлерди әмелге асырғанлығы себепли оған Өзбекстан Республикасы Жынаят кодексиниң тийисли бәнтлери тийкарында жынаят иси қозғатылды. Ҳәзирде тергеў ҳәрекетлери алып барылмақта.

Ургенч қаласы ҳәкими Шуҳрат Абдуллаев ҳәм қала прокурори Давлатовга жол қойған қәтелери ушын сөгис жәрияланды.

Хорезм ўәлаяты ҳәкими Фарҳод Ерманов ҳәмде Қашқадарья ўәлаяты ҳәкими Зафар Розиев жол қойған кемшиликлери ушын қатан ескертилди.

 

Бас министр турар ҳәм натурақ жай объектлериниң бузылыўы менен байланыслы мәселелер Өзбекстан Республикасы Президентиниң жеке қадағалаўында екенлигин айтып өтти.

Бүгиннен баслап бузыў мәселелери бойынша жаңа система енгизиледи.

Яғный, Қарақалпақстан Республикасы Жоқарғи Кеңеси баслығы, ўәлаятлар ҳәм Ташкент қаласы ҳәкимлери бузыў режелестирилган аймақты алдынан Министрлер Кабинети менен келиседи.

Соның менен бирге, жыйналыста қатар министрликлерге бир қатар тапсырмалар берилди. Атап айтқанда, Қурылыс министрлиги Республика бойынша барлық Бас жобаларды қайта көрип шығып, оларды ислеп шығыўда турар ҳәм натурақ жайлар бузылыўын минимал дәрежеге келтириў, Әдиллик министрлиги турар ҳәм натурақ жайларды бузыў ҳәм компенсация төлеўлерин қаплаў менен байланыслы әмелдеги нормативк-ҳуқықый ҳүжжетлерди қайта хатлаўдан өткерип, оларды және де жетилистириў бойынша ҳүкиметке белгиленген мүддетте усыныс киритеди.

Видеоселекторда Қарақалпақстан Республикасы Жоқарғи Кеңеси баслығы, ўәлаятлар ҳәм Ташкент қала ҳәкимлерине бүгиннен баслап нызамшылық талапларына тийкарланып компенсация толунбеген ҳәм алдынан ескертилмеген турар ҳәм натурақ жайларды бузыўды тоқтатыў буйырылды.