Шавкат Мирзиёев 31-июль – 1-август күнлери Беларус мәмлекетине сапар қылады

Өзбекстан Президенти Шавкат Мирзиёев 31-июль – 1-август күнлери дәслепки рәсмий сапар менен Минскда болады. Бул ҳаққында Өзбекстанның Беларусдағы елшиси Носиржон Юсупов мәлим етти, деп хабар береди «Белта».

 

 

Дипломаттың атап өтиўинше, ҳәзирги ўақытта усы илажға актив таярлық көрилмеқте.

«Өзбекстан басшысының рәсмий сапары алдынан ҳәм сапар ўақтында беларуслы шериклер менен бирге Минск қаласында бир қатар илажлар шөлкемлестиремиз. Олар арасында Беларус ҳәмде Өзбекстан аймақлары форумы, «Өзбекстанда ислеп шығарылған» миллий өнимлер көргезбеси,уллы өзбек шайыры Алишер Наўайы бюстиниң ашылыўы ҳәм Өзбекстан мәденияты күнлери бар»,- деди елши.

Соның менен бирге, Юсуповнинг исеним билдириўинше, президенттиң болажақ сапары өз-ара хызметлесликти сапа тәрепинен жаңа, және де жоқары басқышқа көтериўге мүмкиншилик береди. Минскдеги сөйлесиўлерде Ташкенттен жоқары дәрежеде ерисилген келисиўлердиң нәтийжелери ҳәм келесидеги өз-ара шәртнамалар келешеклери көрип шығылады.

Еслетип өтемиз, 29 -30 июль күнлери Минск қаласында Беларус ҳәм Өзбекстан аймақларының биринши форумы болып өтеди.

Дерек: kun.uz