Iskerligi haqqındaǵı maǵlıwmattı alıw ushın sorawlardı qabıllaw tártibi

Ózbekstan Respublikası Turaq-jay kommunal xizmet kórsetiw ministrligi iskerligi haqqındaǵı maǵlıwmattı alıw ushın sorawlardı qabıllaw, dizimnen ótkeriw hám qayta islew rejimi  haqqındaǵı

qollanba

Usı qollanba Ózbekstan Respublikasınıń “Mámleketlik hákimiyat hám basqarıw shólkemleri iskerliginiń ashıqlıǵı haqqında”ǵı Nızamına hámde Ministrler Kabinetiniń 2015 jıl 6 noyabrdegi 320–san “Mámleketlik hákimiyat hám basqarıw shólkemleri iskerliginiń ashıqlıǵı haqqında”ǵı Ózbekstan Respublikası Nızamı qaǵıydaların ámelge asırıwǵa jóneltirilgen kompleks ilajlar kóriw haqqında”ǵı sheshimine muwapıq, Ózbekstan Respublikası Turaq-jay kommunal xizmet kórsetiw ministrligi (bunnan bılay tekstte“Ministrlik”) iskerligi  haqqındaǵı maǵlıwmattı alıw ushın sorawlardı qabıllaw, dizimnen ótkeriw hám qayta islew rejimin belgileydi.

1-BAB. ULÍWMA QAǴÍYDALAR

  1. Ministrliktiń iskerligi haqqında maǵlıwmat izlewdi ámelge asırıpatırǵan fizikalıq yamasa yuridikalıq shaxs informaciyadan paydalanıwshı esaplanadı.

 

  1. Ministrliktiń iskerligi haqqındaǵı maǵlıwmat alıwǵa tiyisli soraw (bunnan bılaylıq tekstte soraw dep júritiledi) informaciyadan paydalanıw shınıń Ministrlik iskerligi haqqındaǵı maǵlıwmat usınıw haqqında usı Ministrlik hám (yamasa) olardıń lawazımlı shaxslarına jollanatuǵın awızsha yamasa jazba formadaǵı (atap aytqanda elektron hújjet formasındaǵı) talabı bolıp tabıladı.

 

  1. Informaciyadan paydalanıwshı mámleketlik shólkemlerine olardıń iskerligi haqqındaǵı maǵlıwmat alıw ushın tikkeley yamasa óz wákilleri arqalı soraw menen múráját etiw huqıqına ie.

 

 

  1. Sorawlar “Mámleketlik hákimiyat hám basqarıwı shólkemleri iskerliginiń ashıqlıǵı haqqında”ǵı Ózbekstan Respublikası Nızamınıń 20-statiyasında kórsetilgen talaplarǵa muwapıq rásmiylastiriliwi kerek.

 

 

  1. Jazba sorawda múráját etiwshiniń elektron adressi kórsetiliwi múmkin. Jazba sorawda elektron mánzildiń kórsetilgenligi múráját etiwshiniń sorawǵa informaciya sisteması arqalı elektron formada juwap alıwǵa bolǵan razılıǵı bolıp tabıladı.

 

 

  1. Sorawlar mámleketlik tilinde hám basqa tillerde beriliwi múmkin.

 

  1. Tómendegiler soraw esaplanbaydi:

 

fizikalıq hám yuridikalıq táreplerdiń arza, shaǵım hámde usınısları;

 

usınıs etiliwiniń ayriqsha qásietleri basqa nızam hújjetlerinde názerdetutılǵan, mámleketlik shólkemleriniń iskerligine daqılı bar bolǵan informaciyanıń ayırım túrleri;

 

Ministrlik iskerligi  haqqındaǵı informaciyanı alıwǵa tiyisli sorawları.

 

 

  1. Informaciyadan paydalanıwshı tárepinen soralǵan informaciya nızamda belgilengen tártipte mámleketlik sırları yamasa nızam menen qorǵalatuǵın basqa sırın quraytuǵın maǵlıwmatlar túrine kiritilgen bolsa, sorawda kórsetilgen informaciyanı usınıw biykar etiledi hám informaciyadan paydalanıw shıǵa tiykarlantırılgan juwap jiberiledi.

2-BAB. SORAWLARDÍ QABÍLLAW

  1. Informaciyadan paydalanıwshı mámleketlik shólkemlerine awızsha yamasa jazba formada yaki elektron hújjet formasında soraw menen múráját etiwi múmkin.Bunda elektron hújjet formasındaǵı sorawlar Ministrlik rásmiy veb-saytları,rásmiy elektron pochta mánzilleri yamasa Ózbekstan Respublikası Birden-bir interaktiv mámleketlik xızmetleri portalı arqalı usınıs etiledi.

 

 

  1. Sorawlardı qabıllaw hám dizimnen ótkeriliwin támiyinlew Ministrdiń buyrıǵı menen belgilengen sorawlar menen isleytuǵın strukturalıq bólim yamasajuwapker xızmetker tárepinen ámelge asırıladı.

 

  1. Soraw pochta arqalı kelip túskende, sorawlar menen isleytuǵın strukturalıq bólim yamasa juwapker xızmetker tárepinen konvertte soraw bar ekenligi tekseriledi.

 

Konvertte sorawdıń yamasa sorawda kórsetilgen qosımshalardıń joq ekenligi anıqlanǵanda, sorawlar menen isleytuǵın strukturalıq bólim yamasa juwapker xızmetker tárepinen eki nusqada akt dúziledi, olardan biri (soraw hám ol jiberilgen konvert menen birge) sorawlar menen isleytuǵın strukturalıq bólim yamasa juwapker xızmetkerde qaladı, ekinshisi gúzetiw xatına qosımsha etilgen halda konvertde kórsetilgen mánzil boyınsha jiberiledi.

  1. Elektron hújjet formasında soraw túsken kúninde qaǵazǵa basıp shıǵarılıwı,jumıs waqıtı tamam bolǵandan keyin túsken táǵdirde bolsa – náwbettegi jumıs kúninde qaǵazǵa basıp shıǵarılıwı kerek.

 

 

  1. Informaciyadan paydalanıwshını identifikaciyalaw múmkinshiligin beretuǵın maǵlıwmatlar kórsetilmegen soraw anonim esaplanadı hám kórip shıǵılmaydı.

 

 

14Soraw anonim dep tán alınǵanda, bul haqqında atqarıwshı (yamasa atqarıwshılar) tárepinen juwmaq dúziledi. Juwmaqda sorawdı anonim dep tán alıwetiw ushın tiykarlar kórsetiledi. Sorawdı anonim dep tán alıw haqqındaǵı juwmaq sorawlar menen isleytuǵın strukturalıq bólim yamasa juwapker xızmetker tárepinen tastiyiqlanadi hámde mámleketlik organı basshısı yamasa kepillik berilgen basqa lawazımlı shaxs tárepinen orınlawjan alınadı.

 

 

  1. Aldınǵı sorawlar boyınsha jiberilgen juwaptan narazılıq bildirilgen,sonıń menen birge eger qayta soraw kelip túsken waqıtta kórip shıǵıwdıń nızam hújjetlerinde belgilengen múddeti tawsılǵan bolsa, aldınǵı soraw waqıtında kórip shıǵılmaǵanlıǵı haqqında xabar etilgen, áyne bir informaciyadan paydalanıwshıdan kelip túsken soraw qaytalanǵan dep esaplanadı.

Qaytalanǵan sorawǵa ol kelip túskennen keyin náwbettegi dizim indeksi berilip,Sorawlardı dizimge alıw jurnalında yamasa elektron hújjet aylanıw sistemasında ” qaytalanǵan” dep belgilenedi .

 

  1. Málim bir informaciyadan paydalanıwshınıń sorawı nusqası soraw dublikatı esaplanadı. Ministrlikke soraw dublikatı (nusqası) kelip túsken jaǵdaylarda,usı sorawǵa bólek tártip nomeri berilmeten, birinshi ret dizimge alınǵan sorawdıń tártip nomeri hám odan keyin bas harfte ” /D” belgisi hámde soraw kelip túsken sáne menen belgilenedi (mısalı, soraw birinshi ret 2016 jıl 10 martda 10 -1-25 menen dizimge alınǵan bolıp, soraw dublikatı da kelip túskende, ” 2016 jıl 10 mart, 10 -1-25/D” sıyaqlı dizimge alınadı).

 

 

3-BAB. SORAWLARDÍ DIZIMNEN ÓTKERIW

 

 

  1. Soraw Ministrlikke kelip túskennen keyin, ol sorawlar menen isleytuǵın strukturalıq bólim yamasa juwapker xızmetker tárepinen Sorawlardı dizimge alıw jurnalına yamasa elektron hújjet aylanıw sistemasına belgilenedi.

 

 

  1. Sorawlardı dizimge alıw jurnalı yamasa elektron hújjet aylanıw sistemasında soraw qabıl etilgen sáne, sorawdıń tártip nomeri, soraw menen múráját etken fizikalıq shaxstın familiyası, atı hám ákesiniń atı, jasaw jayı (yuridikalıq shaxslar ushın – yuridikalıq shaxstıń tolıq atı, onıń jaylasqan jeri (pochta adressi) haqqındaǵı maǵlıwmatlar, sorawdıń qısqasha mazmunı, eger soraw dublikat yamasa qayta kelgen bolsa, onıń dublikat yamasa qayta kelgenligi hámde soraw atqarıwı haqqındaǵı maǵlıwmatlar kórsetiledi.

 

 

  1. Informaciyadan paydalanıwshı óz sorawın ol kórip shıǵılǵanńa shekem hám kórip shıǵılıp atırǵan waqıtta arza beriw arqalı qaytarib alıw huqıqına iye.

 

4-BAB. SORAWLARDÍ QAYTA ISLEW

 

 

  1. Qabıl etilgen hám dizimge alınǵan sorawlar bir jumıs kúni ishinde Ministryamasa onıń orınbasarına rezolyutsiya (sorawdı orınlaw boyınsha kórsetpe) qoyıw ushın kiritiledi.

 

 

  1. Rezolyutsiyada sorawdı jırlaw ushın juwapker etip belgilengen strukturalıq bólim (lar) basshıınıń familiyası, tapsırma mazmunı sáwlelendiriledi hámde Ministr yamasa onıń orınbasarı tárepinen imzalanadı hám sáne qóyıladı.

 

  1. Rezolyutsiya jazılǵanınan keyin, soraw sorawlar menen isleytuǵın strukturalıq bólim yamasa juwapker xızmetker tárepinen sorawdı orınlaw ushın juwapker etip belgilengen strukturalıq bólim jumısshısıǵa qol qoydırǵan halda tapsırıladı.

 

 

  1. Sorawlar ” Mámleketlik hákimiyat hám basqarıwı shólkemleri iskerliginiń ashıqlıǵı haqqında”ǵı Ózbekstan Respublikası Nızamınıń 19-statiyasında belgilengen tártipte hám múddetlerde kórip shıǵıladı.

 

 

  1. Sorawlar menen isleytuǵın strukturalıq bólim yamasa juwapker xızmetker úzliksiz túrde Ministrlikte sorawlar menen islew sistemasın jetilistiriw,sonıń menen birge ministrlik iskerligi haqqında úzliksiz soralıwshı informaciyalardı baspa etiw hámde taǵı basqa zárúrli máseleler boyınsha usınıslar tayarlaw maqsetinde sorawlardı ulıwmalastırıw, olardı mazmunan birlestiriw hám basqa sırtqı kórinislerde qayta islewdi ámelge asıradı.

5-BAB. AWÍZEKI SORAWLARDÍ QABÍL QÍLÍWDÍ ShÓLKEMLESTIRIW

 

 

  1. Ministr tastiyiqlangan grafik tiykarında belgilengen kún hám saatlarda fizikalıq hám yuridikalıq táreplerdiń wákillerin qabıllaw shólkemlestiriledi.

 

 

  1. Ministrlikde informaciyadan paydalanıwshılardı qabıllaw ushın mólsherlengen bólek bólme ajratılıwı múmkin.

 

 

  1. Informaciyadan paydalanıwshı awızsha múráját jetip atırǵanda, Ministrlik juwapker xızmetkerine óziniń shaxsini tastiyiqlaytuǵın hújjetin, yuridikalıq shaxstıń wákili bolsa, óziniń shaxsın hám wákilliklerin tastıyıqlaydıǵan hújjetlerin kórsetiwi kerek. Bunday hújjetlerdi kórsetpegen informaciyadan paydalanıwshılar qabıl etińmeydi.

 

 

 

  1. Awızsha soraw menen múráját etken informaciyadan paydalanıwshını qabıllawsoraw mánisinen kelip shıǵıp, tiyisli bólim basshıı hámde sorawlar menen isleytuǵın strukturalıq bólim jumısshısı yamasa juwapker xızmetker qatnasıwında ámelge asırıladı.

Egerde awızsha soraw menen múráját etken informaciyadan paydalanıwshını qabıllaw waqtında usı sorawdı kórip shıǵıw usı mámleketlik organınıń iskerlik sheńberine kirmewi anıqlansa, oǵan soralıp atırǵan informaciyanı alıw boyınsha soraw menen qaysı mámleketlik organına múráját etiwi múmkinligi tusintiriledi jáne bul haqqında Sorawlardı dizimge alıw jurnalına yamasa elektron hújjet aylanıw sistemasına belgilenedi.

 

  1. Informaciyadan paydalanıwshılardıń awızsha sorawları Ministrliktiń “isenim telefonlari” arqalı qabıl etiliwi múmkin. Bunda sorawlar usı Jollamada belgilengen tártipte rásmiylestiriledi.

 

  1. Awızsha sorawǵa, múmkinshilikke qaray, tezlik penen juwap beriliwi kerek.

6 -BAB. SORAWLARDÍŃ KÓRIP ShÍǴÍLÍWÍN MONITORING QÍLÍW

  1. Sorawlar menen isleytuǵın strukturalıq bólim yamasa juwapker xızmetker sorawlardı orınlaw ushın juwapker etip belgilengen strukturalıq bólindiler tárepinen sorawlar kórip shıǵilıwın mudamı monitoring etedi, zárúr jaǵdaylarda, sorawlardıń waqıtında kórip shıǵilıwın támiyinlew ilajların kóredi.

 

 

  1. Sorawlar menen isleytuǵın strukturalıq bólim yamasa juwapker xızmetker sorawlardı kórip shıǵıw múddetleri hám rejimi sorawlardı orınlaw ushın juwapker etip belgilengen strukturalıq bólimler tárepinen buzılıwı haqqında Ministr yamasa onıń orınbasarların tezlik penen xabardar etedi.

 

 

33.Sorawlar menen isleytuǵın strukturalıq bólim yamasa juwapker xızmetker monitoring nátiyjeleri boyınsha hár ayda Ministr yamasa onıń orınbasarlarına sorawlar kórip shıǵilıwınıń awhalı haqqındaǵı informaciyanı, zárúr bolǵanda, ámeldegi kemshiliklerdi saplastırıw, mámleketlik hákimiyat hám basqarıwı shólkemleri iskerliginiń ashıqlıǵı haqqındaǵı nızam hújjetleri buzılıwına jol qoyǵan xızmetkerlerge juwapkershilik ilajların kóriw boyınsha tiyisli usınıslar kiritedi etedi.

 

 

  1. Sorawlar menen isleytuǵın strukturalıq bólim yamasa juwapker xızmetker sorawlardı ulıwmalastırıp, analiz etip baradı.

Zárúr jaǵdaylarda, analiz nátiyjeleri boyınsha Ministr yamasa onıń orınbasarlarına ministrlikte sorawlar menen islew sistemasın hám tiyisli nızam hújjetlerin jetilistiriw boyınsha, sonıń menen birge informaciyadan paydalanıwshılar tárepinen mámleketlik organı iskerligi tuwrısında úzliksiz sorawshı informaciyalardı baspa etiw hámde taǵı basqa zárúrli máseleler boyınsha usınıslar kiritedi.

 

7-BAB. JUWMAQLAWShÍ QAǴÍYDALAR

 

 

35. Usı qollanba talaplarınıń buzılıwına ayıpker bolǵan shaxslar nızam hújjetlerine muwapıq juwapker boladı.