ÍSSÍLÍK TÁMIYNATÍ

ÍSSÍLÍK TÁMIYNATÍ SISTEMASÍN KOMPLEKS RAWAJLANDÍRÍW HÁS MODERNIZACIYa QÍLÍW

 

 

gelioqurilmalardı qollawdı esapqa alǵan halda jergilikli qazanxanalardı modernizaciya hám rekonstrukciya etiw, nátiyjeli jergilikli qazanxanalar qurıw, oraylıq qazanxanalardı, ıssılıq tarmaqların modernizaciya hám rekonstrukciya etiw, sonıń menen birge, xojalıqlar ishinde bólek ıssılıq támiynatı sistemaların ornatıw boyınsha Respublika ıssılıq támiynatın rawajlandırıwdıń programmaların ámelge asıradı;

 

ıssılıq támiynatı sistemasında, atap aytqanda qayta tiklenetuǵın energiya dáreklerinen paydalanıp, energiya hám resursdı tejeytuǵın jańa texnologiya hámúskenelerdi engiziw boyınsha kompleks ilajlardı ámelge asıradı;

 

kóp xojalıqlı úyler, social hám basqa obektlerde energiya natiyjeliligi joqarıjergilikli qazanxanalar qurıw, sonıń menen birge, xojalıqlar ishinde bólek ıssılıq támiynatı sistemaların ornatıw arqalı oraylastırılmaǵan ıssılıq támiynatı sistemasın rawajlandırıwdıń ilajların kóredi;

 

fizikalık jaqtan gónergen, natiyjeliligi tómen qazanxona agregatları, nasos úskeneleri, isten shıqqan magistral hám bólistiriw ıssılıq tarmaqların modernizaciya hám rekonstrukciya etedi hámde almastıradı;

 

energiya resursların óndiris hám tutınıwdı normativ esapqa alıwdı jolǵa qoyıw, abonentlerdi, ıssılıq támiynatı xızmetlerin ushın kelip túsetuǵın aqshalar hám tólewlerdi avtomatlastırılgan esapqa alıw sistemasın engiziw ilajların ámelge asıradı;

 

ıssılıq támiynatı sistemasında islep shıǵarılmaytuǵın ǵárejetleri asıwına jol qoymaw hám ıssılıq energiyasın jetkizip beriw, bólistiriw hámde tutınıwda normadan artıq joytıwlardı kemeytiw esabınan sarp etiw-ǵárejetlerdi kemeytiwge jóneltirilgen birden-bir texnikalıq hám tariyp siyasatın ámelge asıradı;

 

Ózbekstan Respublikası Ekonomika ministrligi hám Finans ministrligi menen birgelikte, proekt-qıdırıw jumısları, ıssılıq támiynatı obektlerin qurıw, rekonstrukciya hám modernizaciyalawdıń mánzilli dizimlerin tastıyıqlaydı;

 

oraylıq qazanxanalar, ıssılıq tarmaqların modernizaciya hám rekonstrukciya etiw boyınsha proektten aldınǵı hám proekt hújjetlerin hámde jergilikli qazanxanalardı modernizaciya, rekonstrukciya etiw hám qurıwǵa tiyisli proekt-smeta hújjetlerin islep shıǵıw hámde ekspertizadan ótkeriw salasında qániygelestirilgen proekt shólkemleri menen óz-ara xızmetleslikti támiyinleydi;

 

Ózbekstan Respublikası aymaǵinda energiya natiyjeliligi joqarı jergilikli qazanxanalar, xojalıqlar ishinde bólek ıssılıq támiynatı sistemaları, sonıń menen birge, quyash kollektorları (gelioqurilmalar) óndirisdi shólkemlestiriwhám paydalanıwǵa engiziw boyınsha usınıslar tayarlaydı.