Өзбекистан Республикасы мәмлекетлик герби

Мәмлекетлик герби Өзбекистан Республикасының 1992жыл 2 июльдеги 616-XII-санлы «Өзбекистан Республикасы мәмлекетлик герби ҳаққында»гы Нызамы менен тастыйықланған.

Өзбекистан Республикасы мәмлекетлик герби төмендегидей көриниске ийе: таўлар, дәрьялар ҳәм шеп тәрепи бийдай масақларынан, оң тәрепи болса шанақлары ашылған ғаўаша шақаларынан ибарат шеңберге оралған гүллеген ойпат бойлап қуяш нурларын шашып турады. Гербтиң жоқарғы бөлиминде Республиканың ҳүр екенлигиниң белгиси ретинде сегизмүйешлик сүўретленген болып, оның ишки бөлиминде ярым ай ҳәм жудыз сүўретленген.. Гербтиң орайында бахыт ҳәм еркинликти сүйиўши белги —қанатларын жайған Қумай қусы сүўретленген.. Гербтиң төменги бөлиминде Өзбекистан Республикасының мәмлекетлик байрағын сәўлелендириўши шеңбер лентасының бәнтинде «θзбекистан» деп жазылған.

Өзбекистан Республикасы мәмлекетлик гербиниң реңли көринисинде: Қумай қусы ҳәм дәрьялар — гүмис реңде; қуяш,масақлар, пахта ханалары ҳәм «Өзбекистан» жазыўы — алтын реңде; ғаўаша шақалары ҳәм жапырақлары, таўлар ҳәм ойпат — жасыл реңде; ханалардағы пахта —ақ реңде;лента — θзбекистан Республикасы Мәмлекетлик байрағының реңлерин сәўлелендириўши үш реңде;сегизмүйешлик — алтын менен ойылған ҳалда ҳаўа реңде;ярым ай ҳәм жулдызлар —ақ реңде сүўретленген.