18 апрель – Өзбекстан Республикасы Үй-жай коммунал хызмет көрсетиў тараўы хызметкерлери күнине арналған сыйлықлаў мәресими

2017-жыл 18-апрелъ күни Өзбекстан Республикасы Президентиниң “Үй-жай коммунал хизмет көрсетиў системасын басқарыўды және де жетилистириў илажлары ҳаққында”ғы ПФ-5017-санлы Пәрманы ҳәм “Үй-жай коммунал хизмет көрсетиў министрлигин шөлкемлестириў ҳаққында”ғы ПҚ-2900-санлы қарары қабылланды.

 

 

 

 

 

Қарар тийкарында “Өзбекстан Республикасы Үй-жай коммунал хизмет көрсетиў тараўы хызметкерлери күнин белгилеў ҳаққында” Нызамшылық палатасы тәрепинен 2018 жыл 6 март күни қабыл етилген, Сенат тәрепинен 2018-жыл 29-мартта мақулланған Өзбекстан Республикасы Нызамына муўапық, 18 апрелъ – Өзбекстан Республикасы Үй-жай коммунал хизмет көрсетиў тараўы хызметкерлери күни етип белгиленген.

 

 

Сондай-ақ, Өзбекстан Республикасы Министрлер Кабинетиниӊ  2018-жыл 11-декабрдеги 1004-санлы қарары менен «Өзбекстан Республикасы Үй-жай коммунал хизмет көрсетиў ағласы» көкирек белгиси тастыйықланды.

 

 

 

Қарарға муўапық, көкирек белгиси менен мәмлекетимизде халықтың турақ-жай шараятларын жақсылаў, инженерлик коммуникацияларын сапалы қурыў ҳәм ремонтлаў, олардың әтирапындағы аймақларды абаданластырыў, үй-жай коммунал хызметлер көрсетиў шөлкемлериниң материаллық-техникалық базасын беккемлеў ҳәм заманагөй үскенелер менен үскенелеў жумысларында жоқары нәтийжелерди қолға киргизген, тараўдың раўажланыўына мүнәсип үлес қосқан пуқараларды ҳәр жылы 18-апрель – Өзбекстан Республикасы Үй-жай коммунал хизмет көрсетиў тараўы хызметкерлери күни қарсаӊында сыйлықлаў көзде тутылған.

 

Өткен жыллар даўамында, бул сәне, 18-апрель – Өзбекстан Республикасы Үй-жай коммунал хизмет көрсетиў тараўы хызметкерлери күни көтериӊки рухта белгиленип келинбекте. Сонын менен бирге ҳәр жылы бул күни көкирек белгиси менен республикамызда үй-жай коммуналлық хызмет көрсетиў тараўында белсенди хызметлер көрсеткен, айрықша жетискенликлерге ерискен бирқанша пуқаралар сыйлықланып келмекте.

 

16-апрель күни Қарақалпақстан Республикасы Үй-жай коммунал хызмет көрсетиў министрлиги тәрепинен 18-апрель – Өзбекстан Республикасы Үй-жай коммунал хизмет көрсетиў тараўы хызметкерлери күнин белгилеў ҳәм тараўда айрықша хызмет көрсеткен, белсенди хызметкерлерди хошаментлеў мақсетинде илаж шөлкемлестирилди.

 

 

 

 

Илажда Қарақалпақстан Республикасы Министрлер Кеӊеси Баслығыныӊ орынбасары Е.Аташов, Өзбекстан Республикасы Үй-жай коммунал хызмет көрсетиў министрлиги Бөлим баслығы У.Абдусатторов, Қарақалпақстан Республикасы Үй-жай коммунал хызмет көрсетиў министри А.Досназаров ҳәм де тараў хызметкерлери ҳәм белсендилери, ғалаба хабар қураллары ўәкиллери қатнасты.

 

Илажда Қарақалпақстан Республикасы Үй-жай коммунал хызмет көрсетиў министри А.Досназаров, Қарақалпақстан Республикасы Министрлер Кеӊеси Баслығыныӊ орынбасары Е.Аташов, Өзбекстан Республикасы Үй-жай коммунал хызмет көрсетиў министрлиги Бөлим баслығы У.Абдусатторов, шығып сөйлеп жыйналғанларды кәсиплик байрамы менен қутлықлап, машақатлы мийнетлеринде табыслар тиледи.

 

 

 

Илаж, сыйлықлаў мәресими менен даўам етип, «Өзбекстан Республикасы Үй-жай коммунал хизмет көрсетиў ағласы» көкирек белгиси, Өзбекстан Республикасы Үй-жай коммунал хизмет көрсетиў министрлигиниӊ алғыснамалары, Қарақалпақстан Республикасы Министрлер Кеӊесиниӊ ҳәмде Қарақалпақстан Республикасы Үй-жай коммунал хызмет көрсетиў министрлигиниӊ ҳүрмет жарлықлары өз ийелерине тапсырылды.

 

Атап айтқанда, «Өзбекстан Республикасы Үй-жай коммунал хизмет көрсетиў ағласы» көкирек белгиси менен төмендеги пухаралар сыйлықланды:

 

– Адилбек Аллиярович Досназаров – Қарақалпақстан Республикасы Үй-жай коммунал хызмет көрсетиў министри;

 

– Ибрагимов Илхам Исмаилович – Қарақалпақстан Республикасы Үй-жай коммунал хызмет көрсетиў министрлигиниӊ бөлим баслығы;

 

– Ходжаниязов Жамшид Камараддинович – Қарақалпақстан Республикасы Үй-жай коммунал хызмет көрсетиў министрлигиниӊ Эллиқала районы бөлими бас қәнигеси;

 

Утениязов Қурбанбай Имангалиевич – Нөкис қаласындағы «Курбанбай коммунал сервис» турақ жай ийелери шериклиги баслиғы;

 

– Арзымбетов Қыдырбай Якупбаевич – «Қарақалпақ суў тәмийнаты» ЖШЖниӊ Нөкис қалалық ақаба суў филиалы техниги;

 

 

 

 

 

 

Сондай-ақ, Өзбекстан Республикасы Үй-жай коммунал хизмет көрсетиў министрлигиниӊ Алғыснамары менен төмендеги пуқаралар сыйлықланды:

 

 

Сейдабуллаев Султанбек Зийнатдинович – Өзбекстан Республикасы Үй-жай коммунал хизмет көрсетиў министрлиги жанындағы Көп қабатли үйлерди ҳәм ыссылық системалары қурылысы бойынша инжиниринг комканияси Қарақалпақстан Республикасы аймақлық филиалы директоры.

 

Мадреймов Даўытбай Полатбевич – «Қарақалпақ суў тәмийнаты» ЖШЖниӊ Нөкис қалалық суў ақаба филиалы  машинист-экоскаваторшысы.

 

 

Соның менен бирге, байрам мунасәбети менен тараўдың раўажланыўында мүнәсип үлес қосып киятырған бирқанша тараў хызметкерлери Қарақалпақстан Республикасы Министрлер Кеӊесиниӊ, сондай-ақ, Қарақалпақстан Республикасы Үй -жай коммунал хизмет көрсетиў министрлигиниң ҳүрмет жарлықлары ҳәм менен де сыйлықланды.

 

 

 

 

 

 

 

 

 

 

 

 

 

 

 

 

Соӊынан, сыйлықланғанлар сөзге шығып, ҳүкиметимиз тәрепинен көрсетилип атырған итибар ушын миннетдаршылық билдирди. Соның менен бирге бул көрсетилип атырған итибар тараў хызметкерлерине және де күшли жуўапкершилик жүклеўин, тараўдың раўажланыўы ушын аянбай мийнет етиўге ийтермелеўши фактор есапланатуғынлығын айрықша атап өтти.

 

 

 

Усыныӊ менен 18-апрель – Өзбекстан Республикасы Үй-жай коммунал хизмет көрсетиў тараўы хызметкерлери күнине арналған сыйлықлаў мәресими өз жуўмағына жетти.

 

Қарақалпақстан Республикасы Үй -жай коммунал хизмет көрсетиў министрлигиниң Баспасөз хызмети