Коррупцияның алдын алыў бойынша әмелий семинар өткерилди

25 март күни Қарақалпақстан Республикасы Үй-жай коммунал хизмет көрсетиў министрлигинде видеобайланыс көринисинде шөлкемлестирилген семинарда, Қарақалпақстан Республикасында хызмет сапарында болған Өзбекстан Республикасы Үй-жай коммунал хизмет көрсетиў министрлигиниң Комплаенс – қадағалаў секторы басқарыўшысы Д.Мадалиев, соның менен бирге, министрлик администрациясы ҳәмде қала, район бөлимлери хызметкерлери қатнасты.

 

 

 

 

Семинарда Үй-жай коммунал хизмет көрсетиў министрлигинде Комплаенс – қадағалаў системасы енгизилип, Комплаенс – қадағалаў секторы шөлкемлестирилгенлиги, сектордың тийкарғы ўазыйпа ҳәм функцияларынан бири болып, министрлик ҳәм министрлик системасында “инсан факторы” тәсири бар болған искерлик бағдарларын анықлаў ҳәм оны сапластырыў бойынша шаралар қоллаў, министрликте жасырын экономика ҳәм коррупцияға қарсы гүресиў бойынша “комплаенс қадағалаў” системасын енгизиў ҳәм де ишки қадағалаў системасын жетилистириў бойынша жумыс алып барыў, хызметкерлерде коррупцияға қарсы имунитетти қәлиплестириў мақсетинде кадрларды таярлаў, илмий тәжрийбеси асырылыўын тәмийинлеў, коррупцияға қарсы гүресиў тараўындағы халық аралық стандартлар ҳәм де шет ел тәжирийбесин үйрениў, коррупция қәўип-қәтерлерин анықлаў, олардың келип шығыў себеплерин үйрениў ҳәм сапластырыў екенлигине айрықша тоқалып өтилди.

 

 

Сондай-ақ, Өзбекстан Республикасы Президентиниң 2020-жыл 29-июндағы “Өзбекстан Республикасында коррупуияға қарсы гүресиў системасын жетилистириў бойынша қосымша илажлары ҳаққында”ғы ПФ-6013-санлы Пәрманы, министрликтиң 2020 жыл 17 ноябрдеги буйрығы менен тастыйықланған “Үй-жай коммунал хизмет көрсетиў министрлигиниң коррупцияға қарсы гүресиў сиясаты ҳаққында Тәртиби”ниң мазмун мәниси, коррупцияға қарсы гүресиўдиң тийкарғы принциплери ҳақында қатнасыўшыларға түсиниклер берилди.

 

 

Коррупция менен байланыслы ҳуқықбузарлықларға жол қойған министрлик системасы хызметкерлери өзиниң мәртебеси ҳәм ийелеп турған лаўазымына қарамастан министрликтиң ишки ҳүжжетлери ҳәм әмелдеги нызамшылыққа муўапық жуўапкерликке тартылыўын, министрлик хызметкери коррупциялық ҳуқықбузарлықларға жол қойғаны ҳаққында исенимли ҳәм тыянақлы мағлыўматлар бар болса белгиленген шараларды көриў ушын тосқынлықсыз мәкеме басшысы ҳәм Үй-жай коммунал хизмет көрсетиў министрине ямаса Комплаенс-қадағалаў сектор басқарыўшысына мүрәжат етиўи мүмкинлиги, соның менен бирге, ҳәр бир хызметкер коррупцияға қарсы гүресиўде актив қатнасыўы зәрүрлиги айтып өтилди.

 

 

Қарақалпақстан Республикасы Үй-жай коммунал хызмет көрсетиў министрлиги баспасөз хызмети