• Виртуал қабыллаўхана
  • Кабинетке кириў

Суў есаплағышларын салыстырыўдан өткериў неге кешикпекте?

Suv hisoblagichlarni qiyoslashdan o‘tkazish nega kechikmoqda?

 

Ишимлик суўын есапқа алыў үскенесин (счетчик) шешиў,  салыстырыўдан өткериў ҳәм орнатыў хызметлери бойынша кешигиўлер гүзетилип атырғанлығы ҳаққында тутыныўшыларымыздан көплеп мүрәжәәтлер келип түспекте. Сол себеп пенен “Өзсуўтәминат” AЖ Мәлимлеме хызмети бул жағдай, оның себеплери ҳаққында түсиник берди.

 

 

Белгили болғанындай, 2019-жыл 20-августта Министрлер Кабинетиниң “Юридикалық ҳәм физикалық шахслардың электр энергиясы, тәбиий газ, Ишимлик ҳәм ыссы суўды есапқа алыў үскенелерин (счетчик) шешиў, салыстырыўдан өткериў ҳәм орнатыў бойынша мәмлекетлик хызметлерин көрсетиўдиң административлик регламентин тастыйықлаў ҳаққында”ғы қарары қабылланды.

 

 

Усы қарар күшке киргеннен берли Ишимлик суўы есаплағышларын салыстырыўдан өткериў ушын жәми 76 мыңнан зыят мүрәжәәтлер мәмлекетлик хызметлер орайы арқалы қабылланған болса, бүгинге шекем олардан 32 мыңнан асламы яки 42 проценти қанаатландырылған. Деген менен, бул көрсеткишке де “Өзсуўтәмийнат” AЖның аймақлық суў тәмийнаты кәрханаларының бар имканыятларын иске салыў есабына ерисилмекте. Мүрәжәәтлердиң өз ўақтында қанаатландырылыўында кешигиўлер жүзеге келип атырғанлығына болса төмендеги себеплер бар.

 

 

Бүгинги күнде суў тәмийнаты кәрханаларының республика бойынша жәми филиаллары саны 199 ды қурайды. Егер Ташкент қаласы мысалында алып қаралса, туўрыдан-туўры суўды есапқа алыў үскенесин шешиў, салыстырыўдан өткериў ҳәм орнатыўға тейисли рухсаты (сертификаты) бар қәнигелеримиз саны 20 ны яки есаплағыш орнатылған ҳәр 31962 абонентимизге 1 қәнигеден туўры келмекте. Басқа аймақларда да бул жөнелисте жумыс алып барып атырған қәнигелеримиз жетерли дәрежеде емес.

 

 

Бул қәнигелеримиз “Өзстандарт” агентлигиниң республикамыз бойлап 17  бөлими ҳәм алыс аймақлардағы 43 дана метрологик хызмет көрсетиў орайлары менен ислейди. Көринип турғанындай, ҳәзирде қәнигелер жетиспеўшилиги, лабораториялар жетиспеслиги, базы аймақларда олардың тәмийнатшы кәрханадан узақ аралықта жайласқаны хызметлерди көрсетиўде кешигиўлерге алып келмекте.

 

 

Тәбиий сораў туўылады: қәнигелер санын арттырыўға не кесент етпекте? Жуўап табыўға ҳәрекет қыламыз. Әмелдеги тәртипке муўапық, Ишимлик суў ҳәм ыссы суўды есапқа алыў үскенесин шешиў, салыстырыўдан өткериў ҳәм орнатыў бойынша мәмлекетлик хызметлерин көрсетиў ушын физикалық шахслардан базалық есаплаў муғдарының 20 проценти (44600 сўм), юридик шахслардан базалық есаплаў муғдарының 1,5 есесинде (334500 сўм) муғдарында жыйым өндириледи ҳәм бул хызметке байланыслы шөлкемлер кесиминде бөлистириледи.

 

 

Тийкарынан, тәмийнатшы кәрхана мысалында алынса, ҳәр бир үскене ушын жыйымнан физикалық  шахслар бойынша 8920 сўм, юридикалық шахслар бойынша 66900 сўм аймақлық суў тәмийнаты кәрханаларына келип түспекте. Әмелде болса бул хызметлер қәрежетлери 3-4 есе қымбатқа айланбақта. Тийкарынан, үскенени шешиў, орнатыў жумыслары, жол ҳәм басқа қәрежетлер муғдары физикалық шахслар ушын 43551 сўм, юридик шахслар ушын болса есаплағышлардың өлшемине қарап 90747 сўмдан 240246 сўмға шекемди қурамақта.

 

 

Бул жағдай тәмийнатшы кәрханалардың экономикалық зыянға кирип, қәрежетлерди қаплаў мақсетинде мийнет ресурсларын қысқартырыўға мәжбүр болмақта. Бирақ бул суў есаплағышларды салыстырыўдан өткериўде жүзеге келип атырған кешигиўлер сапластырылмайды дегени емес. Бүгинги күнде суў есаплағышларды салыстырыўдан өткериўде мәмлекетлик хызметлерин көрсетиў тартибин жетилистириў  бойынша “Өзсуўтәмийнат” AЖ тәрепинен тийисли есап-китаплар ҳәм усыныслар таярланбақта. Сондай-ақ, аймақлық суў тәмийнаты кәрханалары қурамындағы метрологик хызмет көрсетиў лабораторияларын шөлкемлестириў арқалы хызмет көрсетиў мүддетлерин қысқартырыў мәселеси де үйренилмекте.

 

 

“Өзсуўтәмийнат”AЖ Мәлимлеме хызмети