Президент ҳәм Ҳүкимет қарарының орынлаўын додалаўға бағышланды баспасөз конференциясы

Қарақалпақстан Республикасы Министрлер Кеңесиниң мәжилислер залында Ҳүрметли Президентимиз тәрепинен 2017-жыл 28-февральда қабыл етилген «2017-2018-жылларда Қарақалпақстан Республикасының Мойнақ районын экономикалық раўажландырыўға ҳәм халықтың бәнтлигин тәмийинлеўге байланыслы қосымша илажлар бағдарламасы ҳаққында»ғы ПҚ-2803-санлы қарары ҳәм Өзбекстан Республикасы Министрлер Кабинети тәрепинен 2017-жыл 17-январда қабыл етилген «Қарақалпақстан Республикасының аймақларын социаллық-экономикалық раўажландырыўға, халықтың турмыс дәрежесин буннан былай да жақсылаўға байланыслы қосымша илажлар бағдарламасы ҳаққында»ғы 15-санлы қарарының мазмун-мәниси ҳәм оның орынланыўына бағышланған баспасөз конференциясы болып өтти.


Илажға Мойнақ районы ҳәкиминиң биринши орынбасары, министрликлер менен ведомстволардың басшылары ҳәм ғалаба хабар қуралларының ўәкиллери қатнасты.

Баспасөз конференциясын Қарақалпақстан Республикасы Министрлер Кеңеси Баслығының баспасөз хаткери Ч.Елмуратов алып барды.

Онда Мойнақ районы ҳәкиминиң биринши орынбасары А.Қурбаниязов, Саўда-санаат палатасы Қарақалпақстан Республикасы басқармасы баслығының орынбасры Қ.Азербаев, Қарақалпақстан Республикасы мәмлекетлик салық басқармасының баслығы Д.Бабажанов, Орайлық банктиң Қарақалпақстан Республикасы басқармасы баслығының орынбасары А.Абдикаримов, Қарақалпақстан Республикасы Бәнтлик ҳәм мийнет қатнасықлары министриниң орынбасары Т.Турғанбаев, Туризмди раўажландырыў мәмлекетлик комитетиниң Қарақалпақстан Республикасы аймақлық басқармасының баслығы Б.Кусекеев ҳәм “Қарақалпақстан жаслары” газетасының редакторы С.Жаниевлер шығып сөйледи.

Ҳүрметли Президентимиз тәрепинен 2017-жыл 28-февральда қабыл етилген «2017-2018-жылларда Қарақалпақстан Республикасының Мойнақ районын экономикалық раўажландырыўға ҳәм халықтың бәнтлигин тәмийинлеўге байланыслы қосымша илажлар бағдарламасы ҳаққында»ғы ПҚ-2803-санлы қарарының орынланыўы шеңберинде Мойнақ районында халықтың бәнтлигин тәмийинлеў, туризмди раўажландырыў бағдарында көлемли дөретиўшилик жумысларының әмелге асырылғаны атап өтилди.

Сондай-ақ, Президентимиз Шавкат Мирзиёевтиң 2016-жыл

Шоманай районында Қарақалпақстан Республикасы сайлаўшылары менен болып өткен ушырасыўы жуўмақлары бойынша 2017-жыл 17-январда қабыл етилген Өзбекстан Республикасы Министрлер Кабинетиниң 15-санлы қарарының орынланыўы шеңберинде де салмақлы дөретиўшилик жумыслары әмелге асырылды.

Баспасөз конференция даўамында ғалаба хабар қуралары ўәкиллери усы Президент ҳәм Ҳүкимет қарарларының  орынланыўы бағдарындағы өзлерин қызықтырған сораўларына жуўаплар алды.

Қарақалпақстан Республикасы Министрлер Кеңесиниң Мәлимлеме хызмети