Өзбекстан Республикасы Президенти АҚШқа келди

 

Вашингтон, 15 май. УзА арнаўлы хабаршысы Абу Бакр УРОЗОВ хабар етеди.

 

Өзбекстан Республикасы Президенти Шавкат Мирзиёев Америка Қурама Штатлары Президенти Дональд Трампнинг усынысына бойынша 2018-жыл 15-май күни дәслепки рәсмий сапар менен Вашингтонға келди.

 

АҚШ пайтахтындағы «Ендрюс» аэропортында Өзбекстан Республикасы Президентин АҚШ рәсмий ўәкиллери күтип алды.

 

Болажақ жоқары дәрежедеги ушырасыўға еки тәреп те үлкен итибар менен қарап атыр. АҚШ басқарыўы Өзбекстан Президенти сапарын тарийхый ўақыя сыпатында баҳаламақта.

 

Сапардың тийкарғы илажлары 16 -17-май күнлерине белгиленген. 16 май күни Шавкат Мирзиёев Ақ үйде Дональд Трамп пенен ушрасады. Сөйлесиўлер алдын тар шеңберде, кейин кеңейтирилген формада болып өтеди.

 

Алдын хабар етилгениндей, жоқары дәрежедеги сөйлесиўлерде Өзбекстан – АҚШ шериклигиниң бүгинги аўҳали ҳәм раўажландырыўдың келешеклери талқыланады. Халық аралық ҳәм регионлық әҳмийетли актуал мәселелер майданыдан пикир алмаслаў жобаластырылған. Вашингтонда мәмлекетимиз басшысы, соның менен бирге, АҚШ Конгресси, Қорғаў министрлиги ҳәм Мәмлекетлик департаменти ҳәмде Жәҳән банкинде өз-ара ушырасыўлар өткереди.

 

Рәсмий сапар жуўмағыда еки мәмлекет Президентлери “Өзбекстан ҳәм Америка Қурама Штатлары: стратегик шериклик жаңа дәўирдиң басланыўы” деп аталған Қоспа баянатты қол қойыўы, соның менен бирге, ҳәр қыйлы тараўларда өз-ара мүнасәбетлерди және де беккемлеўге қаратылған 40 тан артық ҳүжжетлер комплексиқабыл етилиўи күтилип атыр.