Шавкат Мирзиёев Нөкис халықаралық аэропортының реконструкцияланған жаңа имараты менен танысты

Өзбекстан Республикасы Президенти Шавкат Мирзиёев 15-ноябрь күни Нөкис қаласына сапар етип, дәслеп Нөкис халықаралық аэропортында әмелге асырылған модернизация жумыслары менен танысты.

Бул ҳаққында Өзбекстан Республикасы Президентиниң Баспасөз хызмети хабар берди.

Мәмлекетимиз басшысының 2017-жыл январь айында Қарақалпақстанға сапары ўақтында берилген тапсырмалардың орынланыўы шеңберинде бул жерде дерлик 80 миллиард сумлық жумыслар орынланған. Аэропорт имаратына реконструкция исленип, терминалы кеңейтилген, заманагөй үскенелер менен тәмийинленген.

Президент Шавкат Мирзиёев Нөкис халықаралық аэропорты Қарақалпақстан Республикасын экономикалық раўажландырыўға, бизнес қатнасықларын кеңейтиўге, туристлердиң ағымын көбейтиўге хызмет ететуғынын атап өтти.

 

Дерек: Қарақалпақстан Республикасы Министрлер Кеңесиниң Мәлимлеме хызмети