Министрлик ҳаққында

    Өзбекистан Республикасы Президентиниң 2017-жыл 18-апрельдеги «Үй-жай коммунал хызмет көрсетиў системасын басқарыўды жәнеде жеделлестириў ис-иләжлары ҳаққында»ғы 5017-санлы Пәрманы Республикамыз ҳалқын сыпатлы үй-жай коммунал хызмети менен қамырап алыўды жақсылаў, усы тараўдағы барлық кәрханалардың биргеликте ислесиўиниң технологик шынжырын енгизиў, көп квартиралы жайлардың сақланыў талапларына әмел қылыўын тәмийинлеў ҳәмде меншиклестирилген үй-жай ийелери шериклигиниң финанслық беккемлилигин ҳәм жумыс сыпатын арттырыўға қаратылып, усы Пәрманға тийкар Ҳүрметли Президентимиздиң 2017-жыл 18-апрелдеги «Өзбекистан Республикасы Үй-жай коммунал хызмет көрсетиў министрлигин шөлкемлестириў ҳаққында»ғы ПҚ-2900 санлы қарары менен Қарақалпақстан Республикасында Үй-жай коммунал хызмет көрсетиў министрлиги, қала ҳәм районларда үй-жай коммунал хызмет көрсетиў бөлимлери шөлкемлестирилди.
 

         Қарақалпақстан Республикасы Үй-жай коммунал хызмет көрсетиў министрлигиниң тийкарғы ўазыйпалары етип төмендегилер белгиленди:

 

-үй-жай коммунал хызмет көрсетиў тараўында бирден-бир мәмлекетлик сиясатын ҳәм тармақларара муўапықластырыўды жүритиў;

 

-көп квартилары үйлердиң техник жағдайының мониторингин алып барыў, сонын ишинде, көп квартиралы үй-жай фондын капитал ҳәм жеңил ремонтлаў жумысларын шөлкемлестириў;

 

-меншиклестирилген үй-жай ийелери шерикликлери жумысларын муўапықластырыў;

 

-көп квартиралы үй-жай фондын сақлаў, олардан пайдаланыў ҳәм улыўма мүлкти сақлаўға қаратылған мәжбүрий төлем муғдарын анықлаў жүзесинен меншиклестирилген үй-жай ийелери шерикликлерине көмеклесиў,

 

-ишимлик суў ҳәм канализация объектлерин, ыссылық тәмийнаты дизимлерин аҳалы пунктлердиң раўажланыў схемалары ҳәм бас режелери менен байланысқан ҳалда раўажландырыў, модернизация ҳәм реконструкция қылыў дәстүрлерин әмелге асырылыўының мониторингин жүритиў;

 

-ыссылық тәмийнаты дизиминде, соннан қайта тикленетуғын энергия дереклеринен пайдаланып, энергия ҳәм ресурсты үнемлейтуғын жаңа технология ҳәм үскенелерди енгизиў бойынша комплекс тәдбирлерин әмелге асырыў;

 

-орайлық қазанханаларды, ыссылық тармақларын модернизация ҳәм реконструкция қылыў, сондай-ақ ханаданлардың ишинде өз алдына ыссылық тәмийнаты дизимлерин орнатыў барысында республика ыссылық тәмийнатын раўажландырыў тәдбирлерин әмелге асырыў;

 

-үй-жай коммунал хызмет көрсетиў системасына ресурс ҳәм энергия үнемлейтуғын технологиялар ҳәмде үскенелерди енгизиў, соннан, үй-жай коммунал хожалығы объектлерине заманагөй есаплаў өлшеў әспабларын орнатыў;

 

-раўажланған шет ел мәмлекетлериниң тәжирийбелерин есапқа алған ҳалда үй-жай коммунал хызмет көрсетиў тараўында норматив-хуқык базасын енгизиў бойынша усыныслар киритиў;

 

-ишимлик суў, канализация, ыссылық тәмийнаты бойынша көрсетилетуғын хызметлерге тариф сиясатын енгизиў ушын ҳәмде үй-жай коммунал хызмет көрсетиў тараўы кәрханаларының экономикалық турақлылығын беккемлеў бойынша усыныслар ислеп шығыў ўазыйпалары белгиленди.