Өзбекстан Республикасы Президентиниң ғы 2021-жыл 10-февральдағы ПФ–6166-санлы Пәрманының мазмуны ҳәм әҳмийети

Өзбекстан Республикасы Президентиниң «Нызамшылық ҳүжжетлериниң орынланыўын нәтийжели шөлкемлестириўде жергиликли атқарыўшы ҳәкимият уйымлары басшыларының жеке жуўапкершилигин күшейттириўге тийисли қосымша илажлар ҳақкында» ғы 2021-жыл 10-февральдағы ПФ–6166-санлы Пәрманының мазмуны ҳәм әҳмийети

 

Пәрманның мақсети

 

Нызамшылық ҳүжжетлериниң орынланыўын нәтийжели шөлкемлестириў ҳәм мониторинг қылыўдың тәсиршең системасын жаратыў, Президенттиң Олий Мажлиске 2020-жыл 29-декабрьдеги Мүрәжатнамасында, сондай-ақ, 2016-2021-жыллардағы тармақ ҳәм аймақлық раўажланыў дәстүрлеринде белгиленген мақсетлерге ерисиўди сөзсиз тәмийинлеў бойынша Министрлер Кабинети, мәмлекетлик басқарыў уйымлары басшылары ҳәмде барлық дәрежелердеги ҳәкимлердиң жеке жуўапкершилигин кушейттириў.

 

 Пәрманның мазмуны ҳәм әҳмийети

 

Мәмлекетлик уйымлар ҳәм шөлкемлер басшылары орынлаў интизамын беккемлеўде төмендеги үстиндеги ўазыйпаларға айрықша итибар қаратыўы лазым:

 

нызамшылық ҳүжжетлери ҳәм тапсырмалар жойбарлары таярланыўы үстинен  жеке қадағалаўды шөлкемлестириў;

 

нызамшылық  ҳүжжетлери ҳәм тапсырмаларды орынлаўшыларғы тезлик пенен жеткерилиўи, мазмуны ҳәм әҳмийетин кең жәмәәтшилик ортасында түсиндирилиўи үстинен жеке қадағалаўды тәмийинлеў;

 

нызамшылық ҳүжжетлери ҳәм тапсырмалардың орынланыўын әмелде қадағалаўды жеке шөлкемлестириў;

 

нызамшылық ҳүжжетлери ҳәм тапсырмалардың мазмуны ҳәм әҳмийетин түсиндириў мақсетинде ҒХҚда жеке пикир-усынысларын билдириў;

 

нызамшылық ҳүжжетлери ҳәм тапсырмалардың өз ўақтында, толық ҳәм нәтийжели орынланыўын жеке негатив таллаў қылыныўын тәмийинлеў.

 

Әдиллик министрлигине төмендеги қосымша ўазыйпалар жүклетилди:

 

нызамшылық ҳүжжетлери ҳәм тапсырмалардың әмелге асырылыўын тәмийинлеў бойынша үйрениўлер алып барыў ҳәм орынлардағы жағдайлардың мониторингин жүргизиў;

 

 “Президент қарарлары – турмыста ҳәм қадағалаўда” темасы астында жәмәәтшилик қадағалаўы қуралларынан кең пайдаланыў;

 

нызамшылық ҳүжжетлери ҳәм тапсырмалардың әмелде орынланыўына тосқынлық қылып атырған машқалалар ҳәм факторларды анықлаў;

 

мәмлекетлик уйымлары ҳәм шөлкемлерине нызамшылық ҳүжжетлери ҳәм тапсырмалардың орынланыўы бойынша ҳуқықый-әмелий көмеклесиў.

 

“Ijro.gov.uz” арқалы нызамшылық ҳүжжетлери ҳәм тапсырмалардың орынланыўын қадағалаўда:

 

Әдиллик министрлиги:

 

нызамшылық  ҳүжжетлери ҳәм тапсырмаларды “Ijro.gov.uz” системасына киритеди ҳәм система арқалы олардың орынланыўын қадағалайды;

 

нызамшылық ҳүжжетлери ҳәм тапсырмалардың орынланыў жағдайы ҳақкындағы мағлыўматты ҳәр айда Президент Администрациясы ҳәм Ҳүкиметине киритеди.

 

Министрлер Кабинети:

 

нызамшылық ҳүжжетлери ҳәм тапсырмалардың Ҳүкимет қурамындағы шөлкемлер тәрепинен орынланыўын “Ijro.gov.uz” системасында қадағалайды;

 

“Ijro.gov.uz”да Ҳүкимет қурамындағы шөлкемлер – жуўапкер орынлаўшылар тәрепинен киритилип, Әдиллик министрлиги тәрепинен тексерилген мағлыўматлардың толықлығын ҳәм ҳакыйқатлығын тексереди.

 

Есабат палатасы:

 

“Ijro.gov.uz”да жуўапкер орынлаўшылар тәрепинен киритилип, Әдиллик министрлиги ҳәм Ҳүкимет тәрепинен тексерилген мағлыўматлардың толықлығын ҳәм ҳакыйқатлығын тексереди ҳәм оларды қадағалаўдан шешеди;

 

нызамшылық ҳүжжетлери ҳәм тапсырмаларда белгиленген орынлаў мүддетлерин узайттырыў ҳақкындағы Әдиллик министрлиги ҳәм Ҳүкимет тәрепинен көрип шығылған усыныслар бойынша Президент Администрациясына жуўмақларды киритеди;

 

нызамшылық ҳүжжетлери ҳәм тапсырмалардың орынланыў жағдайы бойынша ҳәр шеректе Президент Администрациясына мағлыўмат киритип барады.

 

Президент Администрациясы:

 

нызамшылық  ҳүжжетлери ҳәм тапсырмалардың орынлаўын қадағалаўшы шөлкемлер жумысларын муўапықластырады;

 

зәрүрлик болғанда, қадағалаўдан алынған нызамшылық ҳүжетлери ҳәм тапсырмаларды қайта қадағалаўға қояды;

 

 

нызамшылық ҳүжжетлери ҳәм тапсырмалардың мүддетин узайттырыў бойынша Есабат палатасы тәрепинен берилген жуўмақларды көрип шығады;

 

нызамшылық хүжжетлери ҳәм тапсырмалардың орынланыўын шөлкемлестириў барысындағы жумыслардың нәтийжелилигин асырыў, сондай-ақ,  мәмлекетлик уйымлар ҳәм шөлкемлериниң лаўазымлы шахсларының орынлаў интизамын тәмийинлеўдеги жуўапкершилигин күшейттириў бойынша  Президентке усыныслар киритип барады.

 

2021-жыл  1-апрельден барлық республика дәрежесиндеги мәмлекетлик уйымлар ҳәмде ўалаятлық ҳәкимликлериниң орынлаў интизамына жуўапкер бөлимшелери баслықлары  Президент Администрациясының Орынлаў интизамын тәмийинлеў сыңары менен келисилип лаўазымға тайынланады ҳәм азат етиледи.

 

2021-жыл 1-майдан орынлаўды қадағалаў, қадағалаў картотекаларын жүргизиў ҳәм есабатларды дүзиў тек ғана “Ijro.gov.uz” системасында әмелге асырылады.